ÉXODO 34:5 - Dios Rimashcata Quillcashcami

⁵ Moisés ña chaipi cacpimi, Mandac Diosca puyupi urai shamushpa, Moises-huan tuparca. Chaipica paillatacmi, Mandac Dios cashcata huillarca.

ÉXODO 34:5 Referans Kwoze

ÉXODO 33:19

Shina nicpimi, Mandac Diosca: —Ñuca yallita cuyac cashcatami, canmanca ricuchigrini. Mandac Dios ñucaca mandac cashcatapishmi cambac ñaupapi huillasha. Maijanta yallita cuyasha nishpaca yallita cuyacmi cani. Maijanta llaquisha nishpaca llaquicmi cani.

NÚMEROS 11:25

Chaipimi Mandac Diosca puyupi urai shamushpa, Moises-huan parlanacushpa, paipi tiyac Espirituta canchis chunga pushac yuyaccunapi churarca. Shina churacpica, Diosmanta huillarcami. Shina cashpapish mana ashtahuan huillashpa catircachu.

ÉXODO 33:9

Moisés Dios-huan tupana huasiman yaicucpica, suni puyumi jahuamanta huasi punguman shamuc carca. Chaipimi Mandac Diosca Moises-huan parlac carca.

NÚMEROS 11:17

Chaipimi ñuca jahuamanta shamushpa, canhuan parlasha. Canpi tiyac Espiritutami paicunaman cusha. Chashna ruhuacpimi, paicunapish canta ayudashpa, cai israelcunataca pushanga. Chaipica ña mana canllachu pushac cangui.

ISAÍAS 1:10

Sodoma pueblota mandaccuna Mandac Dios rimashcata uyaichicyari. Gomorra pueblopi causaccuna ñucanchic Dios mandashcata alli uyaichicyari.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

SALMOS 102:21

Shinallatac Mandac Dios tucuita ruhuac cashcata Sión pueblopi huillachun, cutin Jerusalenpica paita jatunyachichunmi chashnaca ruhuarca.

DEUTERONOMIO 32:3

Mandac Diospac shutitami alli nisha. ¡Ñucanchic Diosca jatunmi!

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

NÚMEROS 14:17

Mandac Dioslla, can nishca shinallatac cunanca can imatapish ruhuaclla cashcata ricuchiyari. Canca:

ÉXODO 19:9

Shina huillacpimi, Mandac Diosca Moisestaca: —Ñucami amsa puyupi cambacman shamusha. Chashna shamushpa, canhuan parlacta israelcuna uyashpami, cantaca tucui causaipi cringa— nirca. Cutin israelcuna ima nishcataca Moisesca Mandac Diosmanmi huillarca.

ÉXODO 23:21

Paita cazushpa, pai nishcata uyangui. Can mana cazucpica, paica mana perdonangachu. Ñucallatacmi paihuanca cani.

NÚMEROS 12:5

Paicuna chaipi cacpimi, Mandac Diosca suniclla puyupi shamushpa, paihuan tupana huasi yaicunapi shayarishpa, Aarontapish, Mariatapish cayarca. Chaipi ishcaita cuchuyacpimi,

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.