ÉXODO 34:21 - Dios Rimashcata Quillcashcami

²¹ Sucta punzhata trabajanguichic. Ashtahuanpish canchisniqui punzhapica samarinami. Tarpuna punzhacunapipish, cosechana punzhacunapipish samaringui.

ÉXODO 34:21 Referans Kwoze

ÉXODO 23:12

Sucta punzhallatac trabajangui. Ashtahuanpish canchisniqui punzhapica samaringui. Chashnami cambac huagratapish, burrotapish, canta servicpac churitapish, pozashpalla caccunatapish samachingui.

SAN LUCAS 13:14

Tandanacuna huasipi mandacca, Jesús samana punzhapi alliyachishcamantami yallita piñarishpa, chaipi caccunataca: —Semanapica sucta punzhallatami trabajana. Chai punzhacunapimi jambichingapacca shamuna canguichic, samana punzhapica mana— nirca.

1 SAMUEL 8:12

Shuccunataca huaranga soldadocunata mandachun, shuccunataca pichca chunga soldadocunata mandachunmi churanga. Shinallatac shuctaca paipac allpacunapi yapushpa tarpuchun, chai chagracunatapish tandachichunmi churanga. Shuccunataca macanacunata ruhuachunpish, carretacunapi ima minishtishcacunata ruhuachunpish churangami.

DEUTERONOMIO 21:4

Chashnami jaicapi mana chaquic yacu tiyac, jaicapi mana yapushca, mana tarpushca huaicuman apashpa, vaquillapac cungata paquinga.

ÉXODO 35:2

“Sucta punzhata trabajanguichic. Canchisniqui punzhaca Diospaclla chicanyachishca punzhami. Chai punzhaca samarina punzhami. Maijanpish chai punzhapi imata ruhuacca huañungami.

SAN LUCAS 23:56

Chai huarmicuna huasiman cutimushpaca, mishquilla ashnacuctami Jesuspac cuerpopi churangapac allichirca. Samana punzha chayamucpica, Dios mandashca shinami samarirca.

ISAÍAS 30:24

Cancunapac yapuc huagracunapish, burrocunapish palahuan huairachishca, jarnerohuan shushushpa, mapa illac granotami micunga.

GÉNESIS 45:6

Ña ishcai huatatami jatun yarcai tiyashca. Chairac pichca huatata yarcai tiyangaracmi. Chai huatacunapica yapunapish, cosechanapish ima mana tiyangachu.

ÉXODO 31:15

Sucta punzhatami trabajana. Ashtahuanpish canchisniqui punzhaca ñucapaclla chicanyachishca samana punzhami. Chaimantami chai punzhapica ñucata yuyarina canguichic. Maijanpish chai punzhapi imatapish ruhuacca huañuchishcami canga.

LEVÍTICO 23:3

Sucta punzhata trabajanguichic. Ashtahuanpish canchisniqui punzhaca samarinami, ñucapaclla chicanyachishca tandanacuitami ruhuana canguichic. Cancuna maipi causacushpapish chai punzhapica samarishpami, Mandac Dios ñucata yuyarina canguichic.

NEHEMÍAS 13:15

Chai punzhacunallatacmi Judá llactapica samana punzhapi uvasta cutacucta, gavillata ashtacucta, shinallatac vinota, uvasta, higota, ima cargacunatapish burropi cargashpa Jerusalenman apacucta maijancunataca ricurcani. Chashna samana punzhapi catucushcamantami sinchita rimarcani.