ÉXODO 33:13 - Dios Rimashcata Quillcashcami

¹³ Chashna cambac ñahuipi alli ricurishca cacpica, can imata ruhuasha nicushcataca huillaiyari. Chashna huillacpimi, can ñucahuan cashcataca yachasha. Riqui, cai gentecunaca can acllashcacunami— nirca.

ÉXODO 33:13 Referans Kwoze

SALMOS 119:33

Mandac Dioslla, mandashcacunata cazushpa causanata yachachiyari. Tucui ñuca causaipimi pactachishpa causasha.

SALMOS 25:4

Mandac Dioslla, cambac ñanta ricuchiyari. Can munashca shina causanata yachachiyari.

SALMOS 27:11

Piñaccunaca ñucata juchanchicunmi. Chaimanta Mandac Dioslla, alli ñanta pushashpa canhuan ima shina causanata yachachiyari.

SALMOS 86:11

Mandac Dioslla, can munashca shina causanata yachachiyari. Cashcata nic ñanpimi causasha. Ñuca shungupipish canta manchana yuyaita churaiyari.

DEUTERONOMIO 9:29

Can Egipto llactamanta cambac poderhuan llucchimushca gentecunaca cambaclla chicanyachishca gentecunamari.

DEUTERONOMIO 9:26

Chashna cumurishpa paita mañashpaca: “Mandac Dioslla, ama cambac gentecunataca tucuchichu. Can jatun cashcamantami paicunataca cambac poderhuan Egiptomanta llucchimurcangui.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.

JOEL 2:17

Mandac Diospacta ruhuac curacunaca pungu yaicuna altar chaupipi shayarishpa: “Mandac Dioslla, can acllashcacuna mana allita ruhuashcataca perdonaiyari. Paicunata burlashpa pingaichichun ama saquinguichu. Shuctac llactacuna mandachunpish ama saquinguichu. Shuctac gentecunaca: ‘¿Maipitac paipac Mandac Diosca?’ ningami” nishpa mañaichicyari.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

ÉXODO 34:9

—Mandac Dioslla, cambac ñahuipi alli ricurishca cacpica, cai gentecuna yallimana millaita ruhuac, sinchi shungu cacpipish, ñucanchic-huan jaculla. Juchata ruhuashpa, mana alli cashcataca perdonashpa, cambacllata ruhuashpa, chasquiyari— nirca.

ROMANOS 11:28

Mana israelcunapac allipacmi, israelcunaca alli huillaita mana cazushpa, Dios piñashca tucushcacuna. Shina cacpipish, Diosca paicunapac ñaupa taitacunata acllashcamantami cuyacun.

ISAÍAS 63:19

Jaicapi mana can mandashca causac shinami, llaquichishca cashcanchic. Jaicapi cambac shutita mana cayashca shinami tucushca canchic.

ISAÍAS 63:17

Mandac Dioslla, ¿ima nishpatac ñucanchictaca cambac ñanta ama catichun pandachircangui? ¿Ima nishpatac canta ama manchachun ñucanchic shunguta sinchiyachircangui? ¡Canta serviccunata, can cushca allpacunapi causac aillucunata cuyashcamantaca alli tucuiyari!

ÉXODO 32:7

Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ÉXODO 3:10

Chaimanta cunanca ri. Ñucami ñuca acllashca israelcunata llucchichun, Faraonpacman cachagrini— nirca.

ÉXODO 5:1

Chaimanta Moisespish, Aaronpish Faraonpacman yaicushpaca: —Mandac Diosca Israeltaca: “Ñuca acllashca israelcuna shitashca pambapi ñucata jatunyachishpa cushicugrichun saqui” ninmi— nirca.

ÉXODO 32:12

Egipto runacunaca: “Israelcunapac Diosca urcucunapi huañuchishpa, cai pachamanta chingachingapacmi israelcunataca llucchishca” ningacunamari. Chaimanta ama ña ashtahuan piñarichu. Paicunata llaquichinataca cungarilla.

ÉXODO 32:14

Chaimantami Mandac Diosca pai acllashca gentecunata llaquichisha nicushpapish mana llaquichishpa saquirca.

SALMOS 51:13

Chashna pushacpica, canta mana cazuccunamanmi can mandashcataca yachachisha. Chashna ruhuacpica, juchata ruhuaccunaca cambacmanmi cutimungacuna.

SALMOS 103:7

Pai imata ruhuasha nishcataca Moisesmanmi huillarca. Cutin pai imata ruhuashcacunataca israelcunamanmi huillarca.

2 SAMUEL 15:25

Ashtahuanpish jatun mandacca Sadoc curataca: —Diospac Arcataca Jerusalenllamantac cutichishpa apailla. Mandac Diospac ñaupapi ñuca alli ricuricpi, paillatac cutichimucpica, Arcatapish, Dios-huan tupana huasitapish ricushallami.