ÉXODO 32:6 - Dios Rimashcata Quillcashcami

⁶ Cayandi tutamantaca utca jatarishpami, chai beciman animalta cushpa, tucui rupachirca. Shinallatac paihuan alli tucungapacpish ofrendata curcami. Chai quipaca israelcunaca micungapac, ubiangapacmi tiyarirca. Ña micushca quipaca cushicungapacmi jatarirca.

ÉXODO 32:6 Referans Kwoze

1 CORINTIOS 10:7

Chaimanta paicunapuramanta maijancuna shina, ruhuashcalla dioscunata mana adoranachu canchic. Dios quillcachishcapica: «Gentecunaca micungapac, ubiangapac tiyarircami. Quipaca cushicungapacmi jatarirca» ninmi.

NÚMEROS 25:2

Chai huarmicunami paicunapac yanga diosman animalcunata cushpa, rupachingapac israelcunata cayac carca. Chaipimi israelcunaca micushpa, yanga dioscunapac ñaupapi cumurirca.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

AMÓS 2:8

Prendashca churanacunapimi maijan altar ladopipish sueñun. Prendamanta cushca vinotami paicunapac dioscunapac huasipi ubiancuna.

ÉXODO 32:5

Aarón chaita ricushpa, shuc altarta becipac ñaupapi ruhuashpaca: —¡Cayaca, Mandac Diosmanmi shuc fiestata charishun!— nishpa caparirca.