ÉXODO 32:31 - Dios Rimashcata Quillcashcami

³¹ Chashna nishpa, Moisés Mandac Diospac ñaupaman rishpa mañashpaca: —Israelcunaca curimanta diosta ruhuashpami, jatun juchata ruhuashca.

ÉXODO 32:31 Referans Kwoze

ÉXODO 20:23

Chaimanta ñucapac randi, cullquimanta, curimanta yanga dioscunata ama ruhuanguichicchu.

DANIEL 9:11

Tucui israelcunami can mandashcata mana cazushcanchicchu, cambac rimashcata mana uyashcanchicchu, juchallishcanchicmi. Chaimantami cai llaquicunapish, canta servic Moisés mandashpa ari nishcapish ñucanchicta llaquichicun.

DANIEL 9:8

Canta mana cazushpa juchallishcamantami ñucanchicpish, ñucanchic jatun mandaccunapish, caishuc mandaccunapish, ñaupa taitacunapish pingaichishca cashun.

ÉXODO 32:30

Cayandimi Moisesca israelcunataca: —Cancunaca jatun juchatamari ruhuashcanguichic. Ñucaca Mandac Dios maipi cashcamanmi huichai rigrini. Cancunapac juchata perdonangapishchari— nirca.

DANIEL 9:5

Ñucanchicca juchallishcanchicmi, millaita ruhuashcanchicmi, canta mana cazushpa cariyashcanchicmi. Mandashcacunatapish, mandashpa quillcashcacunatapish saquishcanchicmi.

NEHEMÍAS 9:33

Canca imatapish cashcata ruhuashpami, ñucanchictaca llaquichircangui. Canca imatapish allitami ruhuarcangui. Ñucanchicca mana allitami ruhuarcanchic.

ESDRAS 9:15

Israelcunata Mandac Dioslla, canca imatapish cashcata ruhuac Diosmi cangui. Chaimantami cunan punzhacaman ashalla saquirishcacunaca causaihuan canchic. Riqui, cambac ñaupapica juchayucmi canchic. Cambac ñaupapi canatapish mana pudinchicchu» nishpami mañarcani.

ÉXODO 34:28

Moisesca mana micushpa, mana yacuta ubiashpami, chaipica chuscu chunga punzhata, chuscu chunga tutata Mandac Dios-huanca carca. Chaipimi Moisesca tabla rumicunapi ari nishca chunga mandashcacunata quillcarca.

ÉXODO 20:4

Jahua pachapi, cai pachapi, yacu ucupi, allpa ucupi tiyaccunaman ricchacunatapish ama ruhuanguichu.

NEHEMÍAS 9:18

Cullquita yacuyachishpa, shuc becita ruhuashpaca: “Paimi Egiptomanta llucchimuc ñucanchic Mandac Diosca” nishpami, millanayai juchata ruhuarcacuna.