ÉXODO 32:16 - Dios Rimashcata Quillcashcami

¹⁶ Chai tabla rumicunapish, chaipi quillcashcapish Diosllatac quillcashcami carca.

ÉXODO 32:16 Referans Kwoze

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

HEBREOS 8:10

Quipa punzhacunapi israelcunahuan ari ninacushpaca, ñuca mandashcacunataca paicunapac yuyaipimi churasha. Paicunapac shungupimi, quillcashca shina churasha. Ñucaca paicunapac Diosmi casha, paicunaca ñuca huahuacunami canga.

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

2 CORINTIOS 3:7

Chingarina cashcata ricuchic, tabla rumipi quillcashca mandashcata Dios Moisesman cushpaca, pai sumaimana cashcahuanmi achicyachirca. Chashna achicyachicpimi, israelcunaca Moisespac ñahuitaca mana ricui pudircacuna.

DEUTERONOMIO 10:1

Chai punzhapica Mandac Diosca: “Puntapi ruhuashca shinallatac ishcai tabla rumita ruhuashpa, ñucapacman urcuman shamui. Shinallatac caspimanta Arcatapish ruhuangui.

DEUTERONOMIO 9:15

Chai rupacuc urcumantaca cancunahuan ari nishca quillcashca ishcai rumita maquipi apashpami cutircani.

ÉXODO 34:4

Shina nicpimi, Moisesca utcapi ruhuashca shinallatac ishcai tabla rumicunata ruhuarca. Chaimantaca Mandac Dios nishca shinallatacmi cayandi utca jatarishpa, ishcai tabla rumicunata apashpa, Sinaí urcuman huichai rirca.

ÉXODO 34:1

Mandac Diosca Moisestaca: —Utcapi ruhuashca tabla rumicunata cutin ruhuai. Chaipica can paquishca rumicunapi quillcashca rimashcacunallatatac quillcai.

ÉXODO 32:15

Moisesca Dios cushca chunga mandashcacunata ishcai tabla rumipi quillcashpami urcumanta urai shamurca. Chai tabla rumicunapica ishcai ladomanmi quillcashca carca.

ÉXODO 32:17

Josué israelcuna sinchita caparinacucta uyashpaca: —¡Carpa huasipica macanacushpa caparinacuimari uyarin!— nishpami, Moisesman huillarca.

JOB 19:24

¡Fierro cincelhuan, plomadahuan sinchi rumipi huiñaipac quillcashpachari alli canman!