ÉXODO 30:1 - Dios Rimashcata Quillcashcami

¹ Inciensota rupachingapacca acacia caspimanta shuc altarta ruhuangui.

ÉXODO 30:1 Referans Kwoze

APOCALIPSIS 8:3

Chai quipaca shuc angelmi curimanta ruhuashca inciensota churanahuan shamushpa, altar chaquipi shayarirca. Chai angelca Diospaclla caccuna mañashcacunahuan mirarichunmi achca inciensota, mandashpa tiyarinapac ñaupapi cac curi altarpi Diosman curca.

LEVÍTICO 4:7

Curallatacmi asha yahuarta japishpa, Dios-huan tupana huasi ucupi tiyac mishquilla ashnacuc incienso rupachina altar gachucunapi cahuinga. Puchushca yahuartaca Dios-huan tupana huasi yaicunapi tiyac tucui rupachina altar chaquipi tallinga.

ÉXODO 40:5

Dios ari nishca quillcata huacaichina Arca ñaupapica inciensota rupachina curi altarta churangui. Ñucahuan tupana huasiman yaicuna pungu ñaupapi pañocunata huarcungui.

2 CRÓNICAS 26:16

Uzías ña tucuita mandai callarishpaca, jatun tucushpami llaquipi urmarca. Paica Mandac Diosta mana cazushpami, inciensota rupachina altarpi inciensota rupachingapac Diospac huasi ucuman yaicurca.

1 REYES 6:20

Diospaclla chicanyachishca ucuca largomanpish, anchomanpish altomanpish iscun metrotami charirca. Chai ucutaca imahuan mana chapushpami curillahuan taparca. Cedro caspihuan ruhuashca Diospac altartapish curillahuantacmi taparca.

LEVÍTICO 4:18

Chai yahuarllatatacmi Dios-huan tupana huasipi cac Mandac Diospac ñaupapi tiyac altar gachucunapi chirapanga. Cutin puchutaca Dios-huan tupana huasi yaicunapi Diosman cushpa, tucui rupachina altar chaquipimi tallinga.

ÉXODO 30:10

Cai altarca ñucapaclla chicanyachishcami canga. Chaimantami juchacunata perdonachunca, huatapi shuc cutin Aaronca animal yahuarta altar gachucunapi cahuinga. Shinallatac huatapi shuc cutinllami juchamantaca animal yahuarhuan cahuinga. Chaitaca huiñaitami ruhuana can» nirca.

HEBREOS 9:4

Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.

ÉXODO 30:2

Chaitaca sunimanpish, anchomanpish chuscu chunga pichca centimetrota ruhuangui. Cutin altomanca iscun chunga centimetrota ruhuangui. Altar chuscu esquinapi gachucunata altarhuan shuclla shinata ruhuangui.

ÉXODO 35:15

inciensota rupachina altartapish, huanduna varacunatapish, Diospaclla chicanyachishca cachun cahuina aceitetapish, mishquilla ashnacuc aceitetapish, ñucahuan tupana huasiman yaicuna pungu jarcachina pañotapish ruhuanga.

NÚMEROS 3:31

Paicunami Arcatapish, candelerocunatapish, altarcunatapish, Dios-huan tupana huasi ucupi tucui imalla tiyashcacunatapish, Diospaclla chicanyachishca ucupi imalla ruhuanacunatapish, jarcachishca pañocunatapish, tucui imalla tiyashcacunatapish ricucurca.

1 REYES 6:22

Diospac huasi ucutaca tucuimi jahuamanta pacha ucu pambacaman curihuan taparca. Diospaclla chicanyachishca ucu chimbapurapi tiyac altartapish tucuimi curihuan taparca.

1 REYES 7:48

Chashnallatacmi Salomonca Mandac Diospac huasipi tucui ima charishcacunataca ruhuachishpaca, curi altarta, curillamantatac ruhuashca mizatapish ruhuachircami. Chai mizapimi Diosman carana tandaca tiyacurca.

1 CRÓNICAS 6:49

Mandac Diosta servic Moisés mandashca shinallatacmi Aaronca paipac churicunahuan animalta Diosman cushpa rupachirca. Inciensotapish rupachircami. Shinallatac Diospaclla chicanyachishca ucupipish, Diospacta ruhuashpami, israelcunapac juchacunamantapish Diosman curca.

1 CRÓNICAS 28:18

Shinallatac inciensota rupachina altarta, curi querubincunapac carretata ruhuachunpish ashtahuan alli curitami pezashpa curca. Chai querubincunami Dios-huan ari nishca quillcata huacaichinata Arcata alas-huan tapashpa tiyacurca.

EZEQUIEL 41:22

Caspi altarca altomanca shuc metro chaupimi carca. Largomanpish, anchomanpish shuc metromi carca. Chai altarca tucui ladomi caspimanta carca. Chaita ricuchishpami ñucataca: «Caica Mandac Diospac ñaupapi tiyana mizami» nirca.

ÉXODO 31:8

Mizatapish, chai jahuapi tiyaccunatapish, curi candelerotapish, chaipi tiyaccunatapish, inciensota rupachina altartapishmi ruhuanga.

ÉXODO 39:38

Curimanta ruhuashca altartapish, Diospaclla cachun cahuina aceitetapish, mishquilla ashnacuc inciensotapish, Dios-huan tupana huasi pungupi huarcuna pañotapish apamurcami.

NÚMEROS 4:11

Curi altartapish azul pañohuan catashpa, chai jahuata delfín carahuan catashpami huanduna varata churanga.