ÉXODO 3:21 - Dios Rimashcata Quillcashcami

²¹ Cancuna ama chushac maquilla llucshichunca, Egipto runacunamanca cancunaman carana yuyaitami cusha.

ÉXODO 3:21 Referans Kwoze

ÉXODO 12:36

Mandac Dios pai acllashca israelcunata cuyachun, Egipto runacunata cuyac shunguta ruhuashcamantami israelcuna imata mañashcata curcacuna. Chashnami Egiptomanta quichushpa aparcacuna.

SALMOS 105:37

Pai acllashcacunataca cullquindi, curindimi llucchirca. Paicunapac aillupica ungushcaca shucllapish mana tiyarcachu.

ÉXODO 11:3

Mandac Diosca israelcuna mañashcata cuchunmi, Egipto runacunamanca cuyac shunguta curca. Moisespish tucui Egipto llactapi alli nishcami carca. Faraonta serviccunapacpish, tucui gentecunapacpish alli nishcami carca.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

SALMOS 106:46

Shinallatac paicunata prezushpa chariccunamanpish, llaquina yuyaitami curca.

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

ÉXODO 12:35

Israelcunaca Moisés mandashca shinallatacmi, Egipto runacunaman cullquimanta, curimanta ruhuashca charinacunatapish, churanacunatapish mañarca.

1 REYES 8:50

Can acllashca gentecuna juchata ruhuashpa, canta piñachishcata tucui mana alli ruhuashcata perdonanguiyari. Paicunata llaquichingapac apaccunata llaquina yuyaita cunguiyari.

GÉNESIS 15:14

Chai llactapi causaccuna llaquichishcamantaca paicunatapish ñucaca llaquichishami. Chai quipaca, tucui charishcacunandimi chai llactamanta llucshinga.

ÉXODO 11:2

Chaimanta israelcunataca vecinocunaman, vecinacunaman curimanta, cullquimanta ruhuashca alajacunata mañachun mandai— nirca.

DEUTERONOMIO 15:13

Shina cachashpapish ama chushac maquillata cachanguichicchu.