ÉXODO 3:12 - Dios Rimashcata Quillcashcami

¹² Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ÉXODO 3:12 Referans Kwoze

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

DEUTERONOMIO 31:23

Mandac Dios Nunpac churi Josueta cachacushpaca: «¡Sinchicui, ama manchaichu! Canmi israelcunata ñaupashpa ñuca paicunaman cungapac ari nishca llactaman yaicungui. Ñucami canhuan casha» nirca.

GÉNESIS 31:3

Mandac Dios Jacobota rimashpaca: —Cambac taitacunapac causana llactaman rishpa, cambac familiacunahuan causagri. Ñucaca canhuanmi casha— nirca.

ÉXODO 4:15

Imata can ninataca paiman tucui huillangui. Ñucami can rimacpipish, pai rimacpipish imata rimanata yachachisha.

ÉXODO 4:12

Chaimanta cunanca ri. Ñucami canhuanca casha, imata rimana cacpipish, ñucallatacmi rimachisha— nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

HECHOS 11:21

Diosca paicunahuanmi carca. Chaimantami achcacuna Apunchic Jesusta crishpa, ñaupa mana alli causaita saquircacuna.

MARCOS 16:20

Yachacuccuna rishpaca, tucui gentecunamanmi huillarca. Chashna huillacucpica, Apunchic Jesusmi paicunataca ayudac carca. Milagrocunata ruhuachishpami, Jesusca paicunahuan cashcataca ricuchicurca.]

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

SALMOS 86:17

Mandac Dioslla, ñucata mana ricunayachiccuna ricushpa pingachun ñucata cuyacushcata ricuchiyari. Can Mandac Diosmi ñucata ayudashpa cushichircangui.

ISAÍAS 37:30

Jatun mandac Ezequiaslla, caimi canmanca shuc señal canga: Cai huatapish, shamuc huatapish paillatac huiñashpa, pucushca granotami micunguichic. Ña quimsa huata tucucpica, tarpushpa cosechaichic. Uvastapish tarpushpa, pucuchishpa micunguichic.

JUECES 7:11

paicunapura imata parlanacucta uyagri. Ashtahuan sinchiyashpa macanacunguillami» nirca.

JUECES 6:21

Mandac Diospac angelca pai charicushca taunahuanmi aichapipish, levadura illac tandapipish tupachirca. Shina tupachicpica, nina culun nishpami aichatapish, levadura illac tandatapish tucui rupachirca. Chai quipaca Mandac Diospac angelca paipac ñaupamanta anchurircallami.

JUECES 6:17

Shina nicpimi Gedeonca: —Ñuca cambac ñahuipi alli ricurishca cacpica, canllatac ñucanchic-huan parlacushcata yachangapac shuc señalta ricuchiyari.

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 15:8

Shina nicpimi Abramca: —Mandac Dioslla, ¿ima shinatac cai allpata ñucaman cuna cashcataca yachashayari?— nirca.

HECHOS 7:7

Shina cacpipish Diosca: “Servichishpa chariccunataca llaquichishami. Chai quipaca, chai llactamanta llucchishpami, cai llactapi ñucata servingacuna” nircami.

ÉXODO 3:1

Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

ÉXODO 3:13

Shina nicpipish Moisesca: —Riqui, ñuca israelcunapacman rishpa: “Cancunapac ñaupa taitacunapac Diosmi cancunapacman cacharca” nicpi, paicuna: “¿Paica ima shutitacyari?” nishpa tapucpica, ¿imatatac nisha?— nirca.

ÉXODO 18:5

Moisesca shitashca pambapimi Mandac Diospac urcu ladollapi carpata shayachishpa tiyacurca. Chaimanmi Moisespac suegro Jetroca Moisespac huarmindi, Moisespac churicunandi chayarca.

ÉXODO 33:14

Shina nicpimi, Mandac Diosca: —Ñucallatacmi canta pushashpa, cancunata samachisha— nirca.

NÚMEROS 16:28

Shina cacpimi Moisesca: —Cunanmi tucui caicunataca mana ñuca munaillamanta ruhuacushcata, ashtahuanpish Mandac Diosllatac ruhuachun cachashcata yachanguichic.

NÚMEROS 23:21

Jacobopac churi israelcunapica ima juchata mana ricushcanichu. Ima millaitapish mana ricushcanichu. Mandac Diosca paicunahuanmi. Paitaca: “Jatun mandacmi cangui” nishpami caparincuna nirca.

JUECES 6:16

Shina nicpimi, Mandac Diosca: —Ñucami canhuanca casha. Canmi madianitacunataca shuclla runata shina atingui— nirca.

2 REYES 19:29

Ima tucuna cashcata Isaías, Ezequiasman ricuchishpaca: Cai huatapish, quipa huatapish paillatac huiñashca granotami micunguichic. Ña quimsa huata tucucpica, cancuna tarpushca granotami cosechanguichic. Uvastapish tarpushpami, chai chagramanta micunguichic.

JEREMÍAS 1:8

Ñucami ima llaquimantapish quishpichingapac canhuan casha. Ama manchanguichu» nirca.

GÉNESIS 26:3

Chaipi causacpimi, ñucaca canhuan casha. Tucui chai allpata canmanpish, cambac huahua huahuacunamanpish cushpami bendiciasha. Chashnami, cambac taita Abrahamman cusha nishcataca pactachisha.

ÉXODO 8:27

Ñucanchicca quimsa punzhata purishpa, shitashca pambaman chayashpa, chaipimi Mandac Dios mandashca shina, paiman animalta huañuchishpa cushun— nirca.

JUECES 6:12

Chaipimi Mandac Dios cachashca ángel ricurishpaca: —¡Sinchita macanacuc runalla, Mandac Diosca canhuanmi!— nirca.

1 SAMUEL 14:10

Ashtahuanpish paicuna: “Ñucanchicpacman huichai shamuichic” nicpica, paicunapacman huichai rishunmi. Paicuna huichai shamuichic nishpaca paicunata Mandac Dios ñucanchic maquipi churashcatami ricuchin— nirca.

1 CRÓNICAS 9:20

Utcapica Eleazarpac churi Fineasmi paicunataca mandacurca. Mandac Diosca paihuanmi carca.