ÉXODO 29:36 - Dios Rimashcata Quillcashcami

³⁶ Punzhanta juchamanta shuc becita ñucaman cushpa huañuchingui. Chashnami ñucapaclla altar juchahuan mapayashcataca pichangui. Shinallatac aceitehuan cahuishpa ñucapacllata ruhuangui.

ÉXODO 29:36 Referans Kwoze

HEBREOS 10:11

Tucui curacunami, punzhanta animalta rupachishpa, Diosman cuncuna. Shina cacpipish, caicunaca jaicapi juchacunataca mana pichanchu.

ÉXODO 30:26

Chai aceitehuan ñucahuan tupana huasitapish, ari nishca quillcata huacaichina Arcatapish cahuingui.

EZEQUIEL 43:27

Chai canchis punzha quipa, ña pusac punzha tucucpica, curacunami cancuna ñucaman cushca rupachinatapish, ñucahuan alli tucungapac cushcacunatapish rupachinga. Shina ruhuacpimi, cancunataca chasquisha. Chaitaca Mandac Dios ñucami nini» nirca.

EZEQUIEL 43:25

Canchis punzhacaman cari chivota, ima mana tucushca becita, maltón ovejata juchacunamanta ñucaman cushpa rupachingui.

NÚMEROS 7:1

Moisesca Dios-huan tupana huasita tucuchishpaca, chaipi tucui tiyashcacunandimi aceitehuan cahuishpa, Diospacllata ruhuarca. Shinallatac altartapish, chaipi tucui tiyaccunatapish aceitehuan cahuishpami, Diospacllata ruhuarca.

LEVÍTICO 16:27

Juchata pichachun ñucaman cushca becitapish, chivotapish ñucahuan tupana huasimanta canzhaman apashpa, carandi, huanundi rupachinga. Chai yahuarca ñucapaclla ucupi juchata pichachun cushcami carca.

EZEQUIEL 43:20

Chai yahuarta japishpa, altarpi tiyac chuscu gachucunapi, altar chaqui chuscu esquinapi, altar muyundipi chirapangui. Chashnami chuyayachina can.