ÉXODO 29:33 - Dios Rimashcata Quillcashcami

³³ Tucui chaicunaca ñucapaclla tucuchun, juchamanta ñucaman cushca aichami. Chaimanta pipish mana micunachu, ashtahuanpish paicunallami micuna can.

ÉXODO 29:33 Referans Kwoze

NÚMEROS 18:4

Paicunallami ñucahuan tupana huasipi canta ayudashpa, tucui imata ruhuana cashcata ruhuashpa, cuidashpapish cangacuna.

1 CORINTIOS 11:26

Chai shina tandata micushpa, vaso vinota ubiashpa, Apunchic Jesús cutimungacaman pai huañushcata huillacunguichic.

1 CORINTIOS 11:24

Diosta pagui nishpa, chaupishpaca: «Caica cancunamanta llaquita apana ñuca aichami. Ñucata yuyarishpa micucunguichiclla» nirca.

SALMOS 22:26

Chaipica huacchacunaca mana nictami micungacuna. Mandac Diosta mashcaccunaca paitami alli ningacuna. ¡Paicunaca unaitami causangacuna!

NÚMEROS 18:7

Altar ucupi curacuna ruhuanataca cambac churicunallahuanmi ruhuana canguichic. Shinallatac pañohuan jarcachishca ucupipish cancunallatacmi ruhuana canguichic. Maijanpish chaiman yaicushpaca huañungami. Curacuna ruhuanataca cancunamanmi cuni» ningui nirca.

NÚMEROS 16:40

Israelcuna manapish Aaronpac huahua huahuacuna cashpa, Mandac Diospac ñaupapi inciensota rupachingapac mana chayarina cashcata yuyarichunmi chashnaca ruhuarca. Eleazarca Mandac Diosmi Moisesman huillashca shinami maijanpish manapish Aaronpac huahuacuna cashpa, inciensota rupachingapac cuchuyashpa, Coré shina, paita caticcuna shina huañuchunmi chashna ruhuarca.

NÚMEROS 16:5

Chai quipami Coretapish, paita caticcunatapish rimashpaca: —Cayami Mandac Diosca maijanlla pai acllashca cashcata, paipaclla chicanyachishca cashcata ricushpa, paipacman cuchuyachun saquinga.

NÚMEROS 3:38

Inti llucshina ladopi cac Dios-huan tupana yaicunapimi Moisespish, Aaronpish paipac churicunandi carpacunata shayachishpa tiyaringa. Paicunami Dios-huan tupana huasitaca israelcunapac randi cuidanga. Maijan shuccuna chaiman chayarishpaca huañungami.

NÚMEROS 3:10

Curacuna ruhuana cashcataca Aaronman, paipac churicunaman mingangui. Chaiman pipish yaicushpaca huañungami» nirca.

NÚMEROS 1:51

Paicunami ñucahuan tupana huasita maiman apana cacpica pascanga. Maipi shayachina cacpica shayachinga. Chican gentecuna ñucahuan tupana huasiman chayashpaca huañungami.

ÉXODO 29:32

Chai aichataca Aaronmi paipac churicunahuan ñucahuan tupana huasi pungu tazapi tiyac tandahuan micunga.

LEVÍTICO 1:4

Chai animalpac umapi maquita churashpami huañuchina can. Chashna ruhuacpimi, Mandac Diosca juchacunata pichanga.

LEVÍTICO 10:12

Moisés Aaronpac saquirishca churi Eleazartapish, Itamartapish rimashpaca: «Mandac Diosman cushca grano ofrendaca paipaclla chicanyachishcami. Rupachishca puchuta japishpa, altar ladopi levadura illacta micunguichic.