ÉXODO 29:29 - Dios Rimashcata Quillcashcami

²⁹ Ñucapaclla chicanyachishca Aaronpac churanaca pai huañushca quipaca churicunamanmi canga. Paicunami ñucata servingapac aceitehuan cahuishca cashpaca churaringa.

ÉXODO 29:29 Referans Kwoze

NÚMEROS 18:8

Mandac Diosca Aarontaca: «Riqui, ñucaman alzashpa cushca ofrendacunataca can cuidachunmi churani. Israelcuna chicanyachishpa ñucaman tucui cushcacunataca cura cashcamantaca canmi japina cangui. Caitaca huiñaipacmi cambac huahua huahuacunamanpish cuni.

NÚMEROS 35:25

Tandanacushca israelcunami chai runataca ima shina huañuchishcata tucui taripashpa, huañucpac familiacunamanta miticuna llactaman cutichishpa cachanga. Chai huañuchic runaca aceitehuan cahuishca curacunata mandac cura huañungacamanmi chai llactapi canga.

ÉXODO 40:15

Shinallatac Aaronta ima shinami aceitehuan cahuishca shinallatac, paipac churicunatapish ñucapaclla chicanyachishca curacuna cachun aceitehuan cahuingui. Chai aceitehuan cahuicpica, paicunapac huahua huahuacunapish huiñaitami ñucapaclla curacuna canga» nirca.

ÉXODO 30:30

Aarontapish, paipac churicunatapish cura tucushpa, ñucata servichun, chai aceitehuan cahuishpa, ñucapaclla cachun chicanyachingui.

ÉXODO 28:2

Cambac huauqui Aaronman ñucapac chicanyachishca tucuimanta yalli sumac jagan nicuc churanata ruhuangui.

ÉXODO 29:28

Chaicunaca israelcuna alzashpa ñucaman cushcami. Chaimantami chai aichaca Aaronman, paipac churicunaman cuna can. Chaitaca huiñaita ruhuachunmi mandashca canga. Chaica israelcuna ñucahuan alli tucungapac alzashpa cushca aichami.

ÉXODO 29:30

Chai churanataca Aaronpac churicuna taitapac randi cura tucushpa, ñucahuan tupana huasiman ñucata servingapac yaicushpaca, canchis cutincamanmi churaringa.

2 CRÓNICAS 13:9

¿Manachu Mandac Diospac curacunata, Aaronpac huahua huahuacunata, levitacunataca cancuna llucchishpa cacharcanguichic? Chashna llucchishpa cachashpami, curacuna cachunca, shuc llactapi causac gentecuna shinallatac pitapish churarcanguichic. Shuc becita, canchis cari ovejata cushpaca, mana dioscunapac cura tucungapac shamuchunmi, chashnaca ruhuarcanguichic.

LEVÍTICO 8:1

Mandac Dios Moisesta rimashpaca:

LEVÍTICO 16:32

Taitapac randi aceitehuan cahuishca, ñucapaclla chicanyachishca curami juchata pichachun ñucaman animalta cunga. Chai curaca ñucapacta ruhuangapac churarina lino churanatami churaringa.