ÉXODO 29:24 - Dios Rimashcata Quillcashcami

²⁴ Chaitaca Aaronpac shinallatac paipac churicunapac maquipi churangui. Shina churacpimi, paicunaca cuyuchishpa ñucaman cunga.

ÉXODO 29:24 Referans Kwoze

LEVÍTICO 7:30

Chaitaca quiquin maquihuanmi Mandac Diosman cushpa, rupachingapac apamunga. Chashnami cuyuchishpa cuchun pecho aichatapish, chaipi tiyac huiratapish Diospac ñaupaman apamunga.

LEVÍTICO 8:27

Chashnami Aaronpac maquipipish, paipac churicunapac maquipipish churarca. Paicunami cuyuchishpa, Mandac Diosman curca.

LEVÍTICO 10:14

Alzashpa cushca pecho aichatapish, changa aichatapish chuyanlla pushtupi canpish, cambac churicunapish, ushicunapish micunguichic. Israelcuna Dios-huan alli tucungapac cushca aichaca cambac, cambac huahua huahuacunapacmi canga.

LEVÍTICO 9:21

Mandac Dios Moisesta mandashca shinallatacmi Aaronca chai pecho aichatapish, alli lado changatapish cuyuchishpa Diosman curca.

ÉXODO 29:23

Mandac Dios ñucapac ñaupapi tiyacuc tazamanta aceitehuan masashca levadura illac tandata, tortata, galletata apamungui.

ÉXODO 29:25

Quipataca paicunapac maquimanta japishpa, ñucaman cushca tucui rupacuc jahuapi churashpa rupachingui. Chashna rupachishcami Mandac Dios ñucamanca mishquilla ashnanga. Chaica ñucaman cushpa rupachishcami canga.

NÚMEROS 8:15

Chashnami levitacunaca ñucahuan tupana huasipi servi callaringa. Paicunaca mapa illacta ruhuashpa, ñucaman cushca ofrenda shinami canga.

LEVÍTICO 23:11

Chai gavillataca samana punzha cayandimi curaca cuyuchishpa, ñucaman cunga. Chashna cucpimi, ñucaca chasquisha.