ÉXODO 28:37 - Dios Rimashcata Quillcashcami

³⁷ Chaitaca azul puchcahuan umapi churana mitra ñaupa ladoman churangui.

ÉXODO 28:37 Referans Kwoze

ZACARÍAS 3:5

Chai quipaca: «Josuepac umapi chuya mitrata churachichic» nirca. Shina nicpimi, paicunaca chuya mitrata umapi churachishpa, sumac churanatapish churachirca. Mandac Diospac angelca shayacurcallatacmi.

NÚMEROS 15:38

«Israelcunataca: “Cancunapac huahua huahuacunacaman churana chaquipi flecosyucta ruhuashpa, chaicunapica morado puchcamanta murucunata ruhuashpa huarcuchinguichic.

LEVÍTICO 8:9

Cutin umapica mitrata churachishpami, ñaupamanca Diospaclla cashcata ricuchishpa, curi latapi quillcashpa churarca. Moisesca Mandac Dios mandashca shinallatacmi ruhuarca.

ÉXODO 29:6

Umapica ñucapacta ruhuac cura cashcata ricuchic quillcata mitrata churachingui.

ÉXODO 28:31

Efodhuan churarina tunicata azul colorta ruhuangui.

ÉXODO 28:28

Chashna pectoralpi churashca argollacunahuan, Efod churashca argollacunahuan azul puchcahuan huatangui. Chashna ruhuacpimi, pectoralca efodmanta mana chicanyashpa, chumbillina jahuapi canga.

ÉXODO 28:4

Cai churanacunata ruhuangui: Pectoraltapish, efodtapish, tunicatapish, cuadrado churanatapish, mitratapish shinallatac chumbitapish ruhuangui. Cura tucushpa, ñucata servichun, cambac huauqui Aaronmanpish, paipac churicunamanpish ñucapaclla chicanyachishca churanacunata ruhuachingui.

ÉXODO 28:36

Chashnallatac alli curimanta shuc sisalaya placata ruhuangui. Chaipica fierrohuan aspishpa, Mandac Dios ñucapaclla chicanyachishcami nishpa sellota quillcangui.

ÉXODO 28:38

Chashnami Aaronca chai placataca paipac frentepi apashpa puringa. Chaimi israelcuna ofrendata ñucaman cushpa rupachicushpa, ima pandarishcataca pai apanga. Shina paipac frentepi placata churashca cacpimi, ofrendataca chasquisha.