ÉXODO 28:29 - Dios Rimashcata Quillcashcami

²⁹ Chashnami Aaronca ñucapaclla carpa huasimanca allita ricushpa, mandacucta ricuchic pectotalpi Israelpac huahuacunapac shuticunata pechopi churashpa yaicunga. Chashnami ñucapac ñaupapi punzhanta yuyaringapac apashca canga.

ÉXODO 28:29 Referans Kwoze

ÉXODO 28:12

Chai rumicunata sumacta ruhuashpa, Israelpac huahuacunata yuyaringapac, efod churashca ishcai hombros jahuapi churangui. Chashnami Aaronca Mandac Dios ñucapac ñaupapi Israelpac huahuacunapac shuticunata yuyaringapac paipac ishcai hombros jahuapi apanga.

ÉXODO 28:30

Allita ricushpa, mandacucta ricuchic pectoralpica Urimta, Tumimta churangui. Chashnami ñucapac ñaupaman Aarón yaicushpaca, paipac pechopi charinga. Chashnami Aaronca pechopi israelcunapac shuticunata apashpa, ñucapac ñaupapi punzhanta canga.

ROMANOS 10:1

Cuyashca criccuna, tucui shunguhuanmi israelcuna quishpirichun Diosta mañacuni.

JEREMÍAS 30:21

Paicunapuramantami shuc mandac llucshinga. Paicunapuramanta shucmi mandanga. Paitaca ñucapacman cuchuyachun saquishami. Shina saquicpica, ñucapacman cuchuyangami. Ñucapacman cuchuyanataca pipish mana pudinchu.

CANTARES 8:6

Cambac shungupica sellota churaiyari. Cambac rigrapipish sellota churaiyari. Cuyaica huañui shina mana jarcaipacmi. Cuyana yuyaica Seol shina mana cacharicmi. Cuyaica carbón rupacuc shina rupacmi.

ÉXODO 28:15

Chashnallatac allita ricushpa mandacucta ricuchic pectoraltapish sumacta bordashpa ruhuangui. Efodta ima shinami curihuan, azul morado, sani puca, lino puchcahuan ruhuarcangui, chashnallatac chaitapish ruhuangui.

ÉXODO 28:28

Chashna pectoralpi churashca argollacunahuan, Efod churashca argollacunahuan azul puchcahuan huatangui. Chashna ruhuacpimi, pectoralca efodmanta mana chicanyashpa, chumbillina jahuapi canga.