ÉXODO 24:8 - Dios Rimashcata Quillcashcami

⁸ Shina nicpimi, Moisesca yahuarta japishpa, tucui israelcunapac jahuapi chirapashpaca: —Cai yahuarca Mandac Dios-huan ari nishcata ricuchicmi— nirca.

ÉXODO 24:8 Referans Kwoze

ÉXODO 24:6

Moisesca chai yahuarta japishpami, chaupitaca shuc lavacarapi churashpa, shuc chaupitaca altar jahuapi chiraparca.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

SAN MATEO 26:28

Caica, Dios cancunahuan mushuc ari nishca yahuarmi. Caimi achca runacunapac juchacunata perdonangapac jichana ñuca yahuarmi.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

1 CORINTIOS 11:25

Shinallatac vaso vinota japishpaca: «Cai vaso vinoca mushuc ari ninacuita ricuchic, ñuca yahuarmi. Ñucata yuyarishpa ubiacunguichiclla» nirca.

MARCOS 14:24

Chai quipaca Jesusca: —Caica, Dios-huan mushuc ari ninacuita ruhuashca ñuca yahuarmi. Caimi achcacunata quishpichingapac jichana yahuar.

1 PEDRO 1:2

Cancunataca Diosmi ña ñaupamanta pacha pai munashca shina paipaclla cachun acllashca. Diosca paita cuyashpa causachun, shinallatac Jesucristopac yahuarhuan chuyayachishca cachunmi, cancunataca paipac Espiritumanta paipacllatac ruhuashca. Dios mai cuyashpa, cancunaman sumac causaita yallita cushca cachun ninimi.

SAN LUCAS 22:20

Micushca quipaca, Jesús vaso vinota japishpaca: —Cai vaso vinoca, cancunamanta jichana ñuca yahuarmi. Chaihuanmi Diosca shuc mushuc ari ninacuita ruhuagrin.

ZACARÍAS 9:11

Yahuarta jichashpa, cancunahuan ari nishcamantami cantaca yacu jundachina jutcupi prezu cacpi, chaimanta llucchisha.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

LEVÍTICO 8:30

Chai quipami Moisesca altarpi tiyac yahuartapish, cahuina aceitetapish japishpa Aaronpipish, paipac churicunapipish, paicunapac churanacunapipish chiraparca. Chashna ruhuacpimi, Aaronpish, churicunapish, churanacunapish Diospaclla saquirirca.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

JOSUÉ 24:25

Shina nicpica, Josueca chai punzhallatami israelcunahuan pactachingapac shuc ari ninacuita ruhuarca. Shinallatac mandashcacunata pactachichun cushca rimashcacunatapish Siquem pueblopi curca.

1 REYES 8:9

Diospac Arcapica ima shucca mana tiyarcachu. Horeb urcupi cashpa, Moisés churashca ishcai tabla rumicunallami tiyacurca. Chai rumicunapica, Egiptomanta llucshimucpi, Mandac Dios israelcunahuan ari nishcatami quillcashca carca.

SALMOS 78:36

Shina cashpapish shimillahuan alli nic tucushpami, paicunapac calluhuanca llullarcacuna.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

DEUTERONOMIO 5:2

Ñucanchicta Mandac Diosca Horeb urcupimi ñucanchic-huan ari ninacurca.

1 REYES 8:21

Chai huasipimi Diospac Arcata churangapac shuc ucuta ruhuarcani. Chai Arcapica, ñaupa taitacunata Egiptomanta llucchimushpa, Mandac Dios paicunahuan ari nishca quillcami tiyacun» nirca.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

HAGEO 2:5

Egipto llactamanta cancunata llucshicushpa, cancunahuan ari nishca shinallatacmi ñuca espirituca cancunapac chaupipi canga. Chaimanta ama manchanguichicchu.