ÉXODO 24:17 - Dios Rimashcata Quillcashcami

¹⁷ Mandac Diospac sumaimana achicca israelcunapac ñahuipica nina pillurishpa rupacuc shinami, urcu jahuapica ricurirca.

ÉXODO 24:17 Referans Kwoze

HEBREOS 12:29

Chaica, ñucanchic Diosca tucuita rupachic nina llama shinami.

HEBREOS 12:18

Cancunaca israelcuna shina, tuparinalla urcumanca mana chayarircanguichicchu. Chai urcupica nina rupacurcami, manchaipac amsapish, huairapishmi carca.

DEUTERONOMIO 4:36

Yachachingapacca jahua pachamantami rimarca. Cutin cai pachapica paipac jatun ninatami ricuchirca. Nina pai chaupimanta rimashcataca uyarcanguichic.

ÉXODO 3:2

Chaipimi Mandac Diospac angelca rupacuc zarza yura chaupipi ricurirca. Moisesca zarza yura tucui nina tapashca cashpapish mana rupactami ricurca.

DEUTERONOMIO 4:24

Mandac Diosca paipaclla cachunmi munan. Paica rupachishpa tucuchic nina shinami.

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

EZEQUIEL 1:27

Chai genteman ricchaca, bronce jagan nicuc shinami carca. Paipac chaupipish, paipac muyundipipish nina jagan nicuc shinami carca. Cinturamanta huichaimanpish, urimampish nina rupacuc shinami, tucui muyundita carca.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

DEUTERONOMIO 9:3

Cunanmi Mandac Dios cancunapac ñaupata tucuita rupachic nina shina ringa. Chai llactapi causaccunata cumurichingami. Paicunataca Mandac Dios nishca shinami, utca tucuchinguichic.

EZEQUIEL 1:28

Tamya punzhacunapi cuichi puyupi ricuric shinami muyundi sumaimana achicta ricurcani. Mandac Dios sumac cashcami muscuipi shina ricurirca. Chaita ricushpaca, allpacaman cumurircanimi. Chaipica shuc rimashcatami cungailla uyarcani.

ÉXODO 19:11

Quimsa punzhacamanca allichirishca cachun mandangui. Chai punzhami Sinaí urcu jahuaman tucui israelcuna ricucucpi shamusha.

2 SAMUEL 22:9

Paipac singamantaca, cushnimi llucshirca. Paipac shimimantaca, tucuchic ninami llucshirca. Paimantaca jagan nicuc carboncunami saltacurca.

2 SAMUEL 22:13

Pai achicyachishpa ricuricpimi, jagan nicuc carboncunapish japirirca.