ÉXODO 24:14 - Dios Rimashcata Quillcashcami

¹⁴ Chaimantami pushac yuyaccunataca: —Ñucanchic cutingacaman cancunaca caillapi shuyacuichic. Aaronpish, Hurpish cancunahuanmi saquirin. Ima llaqui tiyacpica, paicunaman huillanguichic— nishpami saquirca.

ÉXODO 24:14 Referans Kwoze

ÉXODO 17:12

Moisespac maqui shaicucpica, rumita churashpa, chai jahuapi tiyachishpami, Aaronca shuc maquimanta, Hurca shuc maquimanta huichaiman charicurca. Chashnami inti tigrangacaman charicurca.

ÉXODO 17:10

Moisés mandashca shinallatacmi Josueca amalecitacunahuan macanacungapac llucshirca. Shinallatac Moisespish, Aaronpish, Hurpish urcu jahuamanmi rirca.

GÉNESIS 22:5

Shina ricushpami paita serviccunataca: —Cancunaca caillapi burrohuan saquirichic, ñucaca huambrahuanmi Diosta allimari cangui ningapac rigrini. Chai quipaca cutishallami— nirca.

1 SAMUEL 10:8

Chai quipaca Gilgal puebloman ñuca manarac chayacpimi, canrac chayangui. Ñucaca quipatami Diosman cushpa tucuita rupachinatapish, paihuan alli tucungapac cushpa huañuchinatapish, apashpa cambacman chayasha. Chaipica cambacman ñuca chayangacaman canchis punzhata shuyangui. Chaipimi can imata ruhuana cashcata yachachisha— nirca.

ÉXODO 32:1

Moisés urcumanta mana utca shamucpimi, israelcuna Aaronpacman cuchuyashpaca: —Egiptomanta llucchicmuc Moisesca, imachari tucurca. Mana yachanchicchu. Jatari, ñucanchicta pushachun, shuc diosta ruhuai— nirca.

ÉXODO 18:16

Paicunaca ima llaquita charishpapish ñucaman huillangapacmi shamun. Chaimantami caishucman chaishucman Dios mandashcatapish, yachachishcatapish ricuchishpa, allichini— nirca.