ÉXODO 23:30 - Dios Rimashcata Quillcashcami

³⁰ Ashtahuanpish cancuna mirarishpa, tucui allpata japingacamanmi paicunataca ashacaman llucchishpa cachasha.

ÉXODO 23:30 Referans Kwoze

DEUTERONOMIO 7:22

Chai llactapi causaccunataca allimantami cancunapac ñaupamantaca Mandac Diosca llucchishpa cachanga. Sacha animalcuna mirashpa, cancunata ama llaquichichunmi, mana utca tucuchinga.

JOSUÉ 23:4

Riquichic, ña japishca llactacunatapish, mana japishca llactacunatapish suerteta ruhuashpami, cancunapac aillucunaman curcani. Inti llucshina lado Jordán yacumantaca inti tigrana ladoman cac mama cuchacamanmi curcani.

JOSUÉ 23:9

Mandac Diosmi mai jatun sinchi llactacunatapish cancunapac ñaupamanta llucchishpa cacharca. Cunan punzhacamanca cancunahuanca maijan llactapish mana macanacui pudishcachu.

JOSUÉ 13:6

Tucui urcu ladopi cac llactacunapish, Libanomanta Misrefot-maim pueblocaman, shinallatac tucui Sidón llactacunami japina tiyanrac. Tucui chai gentecunataca ñucami israelcunapac ñaupamanta llucchishpa cachasha. Canca chai llactacunataca ima shina ñuca mandashca shinallatac suerteta ruhuashpa, israelcunaman chaupishpa cungui.

JOSUÉ 23:5

Cancunata Mandac Diosmi chai llactapi causaccunataca cancunapac ñaupamanta cancuna ricucucpi, llucchishpa shitanga. Chai allpataca cancunata Mandac Dios huillashca shinallatacmi cancunaman cunga.