ÉXODO 23:21 - Dios Rimashcata Quillcashcami

²¹ Paita cazushpa, pai nishcata uyangui. Can mana cazucpica, paica mana perdonangachu. Ñucallatacmi paihuanca cani.

ÉXODO 23:21 Referans Kwoze

SALMOS 78:56

Ashtahuanpish jahua pachapi causac Diosta pai ima shina cashcata ricungapacmi piñachircacuna. Ima shina causanata pai yachachishcatapish mana cazurcacunachu.

SALMOS 78:40

¡Tauca cutinmi shitashca pambapi piñachircacuna! ¡Imapish mana tiyac pambapimi llaquichircacuna!

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

SAN JUAN 10:38

Ñucaca ñuca Taita mandashcallatami ruhuani. Ñucata mana crishpapish, ñuca ruhuashcacunata crichicyari. Chashna crishpami, ñuca Taitaca ñucahuan, ñucaca paihuan cashcata alli yachanguichic— nirca.

SAN JUAN 10:30

Ñuca Taitahuanca shuc shinallami canchic— nirca.

JOSUÉ 24:19

Shina nicpimi, Josueca israelcunataca: —Cancunaca Mandac Diosta mana servi pudinguichicchu. Paica jucha illac Diosmi, paipaclla causachun munac Diosmi. Cancuna paita mana cazushpa causacucta, cancuna juchata ruhuashpa causacuctaca mana ricucungallachu.

ÉXODO 3:14

Shina nicpimi, Diosca Moisestaca: —Ñucallatacmi, ñucaca cani. Israelcunataca: “Ñucami cani. Ñucami cancunapacman cachani” ninmi ningui— nirca.

COLOSENSES 2:9

Dios imalaya cashcaca, Cristopimi tucui ricurin.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

DEUTERONOMIO 18:19

Maijanpish pai ñuca shutipi huillashcata mana cazuctaca ñucami juchanchisha.

NÚMEROS 14:11

Chaipimi Mandac Diosca Moisestaca: —¿Maicamantac cai gentecunaca piñachishpa catigrin? Paicunapac ñaupallapitac ricuchinacunata ruhuashpa ricuchicucpipish, ¿manachu crincuna?

SAN JUAN 5:23

Chaica, maijanpish Taitata alli nic shinallatac Churita alli nichunmi chashnaca churarca. Maijanpish Churita mana alli nicca, ñucata cachac Taitami mana alli nin.

NÚMEROS 14:35

Mandac Dios ñucami caitaca nini. Cai gentecuna ñucata mana cazushcamantaca chashnatacmi ruhuasha. Cai shitashca pambapimi huañushpa tucuringacuna’ ninmi” nigri— nirca.

ÉXODO 32:34

Cunanca, ñuca maimanmi pusharichun nishcaman israelcunataca pushai. Ashtahuanpish ñuca cachashca angelmi cambac ñaupata pushashpa ringa. Shina cacpipish, taripashpa llaquichina punzha chayamucpimi, paicunapac juchamantaca llaquichisha— nirca.

ÉXODO 6:3

Ñucami tucui imatapish ruhuaclla Dios cani. Ñucami Abrahammanpish, Isaacmanpish, Jacobomanpish ricurircani. Shina cashpapish, ñucaca Mandac Dios shuti cashcataca paicunamanca mana ricsichircanichu.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

APOCALIPSIS 2:8

Esmirna pueblopi cac tandanacushca criccunata ricuc angelman quillcai: “Huañushca cashpapish causaric, shinallatac callarichic, tucuchicca:

APOCALIPSIS 1:8

Sarunpish, cunanpish, shinallatac shamucpish tucui imatapish ruhuac Mandac Diosca: «Ñucami callari A shina, tucuri Z shina tucuita callarichicpish, tucuchicpish cani» ninmi.

SALMOS 2:12

Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca:

1 JUAN 5:16

Maijanpish shuc huauqui mana huañuiman apacuc juchata ruhuacta ricushpaca, paimanta Diosta mañanami can. Chashna mañacpica, Diosca causaita cungami. Mana huañuiman apacuc juchata ruhuaccunamantami chashnaca mañana can. Huañuiman apacuc juchacunapish tiyanmi. Chaita ruhuaccunamantaca mana mañachun ninichu.

HEBREOS 3:16

Dios ima nishcata uyashpapish, ¿paita mana cazuccunaca picunatac carca? Chaicunaca Egipto llactamanta Moisés llucchishca tucui israelcunami carca.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

JEREMÍAS 5:7

Mandac Diosca: «Paicunapac huahuacunapish ñucata saquishpami yanga diospac shutipi ari nirca. Paicunaman mana nicta caracucpipish ñucata saquircami. Tandanacushpami cullquimanta huainayac huarmipac huasiman rirca. Chai juchacunamantaca, ¿ima shinatac mana llaquichishayari?

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 45:6

Chaica, inti llucshic ladomanta inti tigrana ladocaman causaccunaca ñucaca Mandac Dios cashcata, shuctac Diosca mana tiyashcata yachachunmi chashnaca ruhuarcani.

ISAÍAS 42:8

Ñucallami Mandac Dios cani. Shuctac dioscunata sumacyachichunca mana saquishachu. Ruhuashcalla dioscunata alabachunpish mana saquishachu.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

SALMOS 83:18

Cambac shutica Mandac Dios cashcata yachachun. Jahua pachapi causac Diosca tucui cai pachata mandac cashcata ricsichuncuna.

SALMOS 72:19

¡Paipac sumaimana shutica huiñaita alli nishca cachun! Paipac sumaimana achicca tucui cai pachapi jundashca cachun. Chashna cachun, chashna cachun.

DEUTERONOMIO 9:7

Shitashca pambapi cashpa, Mandac Diosta piñachishcataca yuyarichicyari. Ama cungaringuichicchu. Egipto llactamanta llucshishcamanta caiman chayamungacamanmi Mandac Diostaca llaquichircanguichic.

JUECES 13:18

Shina nicpimi, Mandac Diospac angelca: —¿Imapactac ñuca shutitaca tapungui? Ñuca shutica sumaimana shutimi— nirca.

ISAÍAS 9:5

Jatun macanacuipi soldadocuna chaquipi churarishcacunapish, yahuarpi cahuirishca churanacunapish tamo shinami rupanga.

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.