ÉXODO 22:9 - Dios Rimashcata Quillcashcami

⁹ Maijanpish chingarishca huagrata, burrota, ovejata, churanata, mana cashpaca imapish chingarishcata: “Caica ñucapacmi” nicpi, cutin caishucpish: “Ñucapacmi” nicpica, ishcaitami juezpacman nina can. Juez maijantami juchanchin, chaimi cada shucmanta ishcaita cutichina can.

ÉXODO 22:9 Referans Kwoze

DEUTERONOMIO 25:1

Maijan piñanacushpa, juezcunapacman ricpica, paicunaca taripashpami, cashcata ruhuac runataca cacharinga, cutin juchayuc runataca llaquichinga.

ÉXODO 22:4

Shuhuacpac maquipi ima animal japi tucucpica, cada shucmantami ishcaita cutichina can. Chashnami huagramantapish, ovejamantapish, burromantapish cutichina can.

SAN MATEO 18:35

Jesusca: —Chashnallatacmi jahua pacha Taitapish cancunapura tucui shunguhuan mana perdonanacucpica ruhuanga— nirca.

1 REYES 8:31

Maijanpish paipac ricsishcahuan juchallicpi, chashna cashcata mana chashna cashcata cambac altar ñaupapi huillachun cai huasiman pushamucpica,

SAN MATEO 18:15

Maijan cric canta llaquichishpa juchallicpica, paillata cayashpa, paillahuan rimangui. Pai can rimashcata uyashpaca, cutinllatacmi Diospacman cutinga.

2 CRÓNICAS 19:10

Caishuc pueblopi causac cancunapac huauquicuna huañuchishca jahua, mana cashpaca mandashca, imata ruhuachun yachachishcacunata, mandashpa quillcachishcacunata mana cazushca jahua huillangapac shamucpica, cancunamanpish, cancunapac huauquicunamanpish Diospac rabia ama urmachunmi, Mandac Diosta llaquichishpa ama juchallichicchu nishpa allita rimana canguichic. Cashna cancuna ruhuashpaca, mana juchanchishcachu canguichic.

ÉXODO 22:28

Cancunapac llactapi mandaccunatapish, jueztapish ama llaquichinguichu.

ÉXODO 22:10

Maijanpish burrota, huagrata, mana cashpaca ovejata, mingacpi, chai animal huañucpi, chugriricpi, mana cashpaca pi mana ricucpi shuhuaricpica,

GÉNESIS 31:39

Sacha animalcuna huañuchishca ovejacunatapish mana apamushpa, chaipac randica, ñucami chai ovejacunamantaca cutichic carcani. Tuta cashpa, punzha cashpa, cambac animalcunata shuhuacpica, ñucatami cutichichic carcangui.

LEVÍTICO 6:5

llullashpa ari nishpa mana cutichishcatapish cutichinami can. Chaicunataca juchata pichachun animalta Diosman cuna punzhapimi pichcahuan yallita cutichina can.