ÉXODO 22:29 - Dios Rimashcata Quillcashcami

²⁹ Cambac punta pucushca granotapish, vinotapish, ama unayashpa, utca ñucaman cungui. Cambac punta cari huahuatapish ñucaman cungui.

ÉXODO 22:29 Referans Kwoze

ÉXODO 23:16

Punta pucushca granota cosechana fiestata ruhuangui. Tucui tarpushcata huata tucuripi tandachishpapish fiestata ruhuangui.

ÉXODO 13:2

—Israelpurapi punta huacharishca cari huahuacunata ñucapacllata ruhuanguichic. Tucui punta huacharishca gentecunapish, animalcunapish ñucapacllami— nirca.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

ÉXODO 23:19

Cambac allpapi punta tarpushca granota canta Mandac Dios ñuca huasiman apamungui. Malta chivota huañuchishpapish ama paipac mamapac lechellapitac yanunguichu.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

MIQUEAS 7:1

¡Aij, ñucalla! ¡Cosechana punzhapi granota tandachishca, tucuita uvasta pallashca, shuc uvasllapish mana tiyac pambapi shinami cani! Micungapacca shuc racimollapish mana tiyanchu. Ñucaca punta pucushca granota tucui shunguhuan micunatami munani.

ÉXODO 34:19

Tucui cancuna charishca punta cari churicunaca ñucapacmi. Punta huacharishca cari huagracunapish, ovejacunapish, chivocunapish ñucapacmi.

ÉXODO 13:12

punta huacharishca churicunatapish, animalcunatapish Mandac Diosman cunguichic.

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.

2 CRÓNICAS 31:5

Pai mandashcata huillacpica, tucui israelcunami allpacunapi pucushca punta granota, vinota, aceiteta, bunga mishquita, pambacunapi pucushca shuctac granocunatapish achcata curcacuna. Shinallatac tucui ima tiyashcacunamantami chungamanta shucta chicanyachishpa achcata apamurcacuna.

2 REYES 4:42

Chai quipami Baal-salisa pueblomanta shuc runa Diospac runaman cungapac punta pucushca granota apamurca. Paica ishcai chunga cebada tandata, mushuc trigo espigacunatapish apamurca. Chaita japishpami, Eliseoca paita serviccunataca: —Gentecuna micuchun carai— nirca.

ÉXODO 23:15

Levadura illac tandata micuna fiestata ruhuangui. Ñuca mandashca shina Abib quillapica levadura illac tandataca canchis punzhacunata micungui. Chai quillapimi Egiptomanta llucshircangui. Pipish ñucapac ñaupamanca mana chushac maquilla shamungachu.

ÉXODO 34:20

Punta huachashca burropac randica, cari chivota mana cashpaca, cari ovejatami cuna can. Ashtahuanpish chaita mana cushpaca, chai animalpac cungata pitingui. Shinallatac cancunapac huahuacunapac punta cari churicunapac randica, ofrendata cunguichic. Ñuca ñaupapica pipish chushac maquillaca mana ricuringachu.

NÚMEROS 18:13

Allpapi punta pucushca grano ofrendata ñucaman cushcaca canmanmi canga. Chaicunataca cambac huasipi causac mapa illaccunami micunga.

LEVÍTICO 22:27

«Llullu becipish, llullu ovejapish, llullu chivopish canchis punzhatami mamahuan cana can. Pusac punzha tucucpica, Mandac Dios ñucaman cushpa rupachinguichic.

DEUTERONOMIO 15:19

Tucui punta huacharishca huagracunata, cari ovejacunata Mandac Diospaclla cachun chicanyachinguichic. Punta huacharishca huagrahuan ama trabajanguichicchu. Punta huacharishca ovejata ama rutunguichicchu.