ÉXODO 21:36 - Dios Rimashcata Quillcashcami

³⁶ Ashtahuanpish chai huagra sacmac cashcata yachashca jahua, mana alli cuidashpa, shuctac huagrata sacmachishpa huañuchicpica, huañuchic huagrayucmi shuc huagrata cutichina can. Shinallatac huañushca huagrataca paimi japina can.

ÉXODO 21:36 Referans Kwoze

ÉXODO 21:29

Huagra sacmac cashcata yachashca jahua, mana huillashpa, shuc carita cashpa, huarmita cashpa sacmashpa huañuchicpica, chai huagrataca rumihuan shitashpami huañuchina can. Shinallatac huagrayuctapish huañuchinami can.

ÉXODO 21:35

Maijanpac huagra shucpac huagrata sacmashpa huañuchicpica, huañuchic huagrata catushpami, cullquitapish, shinallatac chai huañushca huagratapish chaupinacuna can.

ÉXODO 22:1

Maijanpish huagrata, ovejata shuhuashpa huañuchic, mana cashpaca catucca shuc huagramantaca pichca huagratami cutichina can. Cutin shuc ovejamantaca chuscu ovejatami cutichina can.

LEVÍTICO 24:18

Maijanpish shucpac animalta huañuchishpaca animalyucman chashnallatatac cutichichun.