ÉXODO 20:24 - Dios Rimashcata Quillcashcami

²⁴ Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ÉXODO 20:24 Referans Kwoze

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

2 CRÓNICAS 6:6

Ashtahuanpish ñuca shuti chaipi causachunca Jerusalentami acllarcani. Ñuca acllashca israelcunata mandachunca Davidtami acllarcani” nishcami carca.

1 REYES 9:3

Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

2 CRÓNICAS 7:16

Cai huasitaca huiñaita ñuca shuti chaipi causachunmi ñucapaclla cachun acllani. Cai huasimantaca manatac anchurishachu.

DEUTERONOMIO 12:11

Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

2 CRÓNICAS 12:13

Roboamca ashtahuan sinchiyashpami Jerusalenpi mandashpa catirca. Paica chuscu chunga shuc huatata charishpami, mandai callarirca. Chunga canchis huatatami Jerusalenpi mandarca. Mandac Diosca tucui Israel aillupuramantaca chai pueblotami paipac shuti chaipi causachun acllarca. Roboampac mamaca amonitapuramanta Naamami carca.

DEUTERONOMIO 26:2

punta pucushca granota shuc canashtapi churashpa, Mandac Dios paipac shuti causachun acllashca pushtuman apanguichic.

ESDRAS 6:12

Maijan jatun mandacpish, maijan gentecunapish ñuca mandashcata mana cazushpa, Jerusalenpi cac Diospac huasita urmachicpica, paipac shutita chaipi causachun saquic Diosllatac llaquichichun. Jatun mandac Darío ñucami caitaca mandani. Chaitaca utca pactachinguichic» nishpami quillcani.

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

SAN MATEO 18:20

Maipimi ishcai, mana cashpaca quimsa ñuca shutipi tandanacucpica, ñucaca chaipimi cani— nirca.

1 REYES 8:43

Chashna mañacpica, can causacuc jahua pachapi uyanguiyari. Shina uyashpami shuc llactamanta cacpipish, paicuna imata mañashca shinallatac ruhuangui. Chashna ruhuacpimi, tucui cai pachapi causaccunaca cambac shutita ricsishpa, can acllashca israelcuna shinallatac canta manchashpa causanga. Shinallatac ñuca shayachishca cai huasipipish, cambac shutita jatunyachishpami mañangacuna.

DEUTERONOMIO 14:23

Mandac Dios paipac shutita causachun acllashca pushtupi, Mandac Diospac ñaupapi chungamanta shucta cushca huagrata, mushuc vinota, aceiteta, punta huacharishca huagrata, ovejata micunguichic. Chashnami Mandac Diostaca tucui punzhacuna manchana canguichic.

SALMOS 74:7

Cambac huasitaca ninata churashpami rupachirca. Canta yuyarina carpa huasitapish, pambapi shitashpami sarurcacuna.

NEHEMÍAS 1:9

Shina cacpipish, ñucaman cutirishpa, ñuca mandashcacunata cazucpica, caita chaita rishca cacpipish cutin tandachishpami ñuca shuti causachun acllashca pushtuman pushamusha” nishcanguimi.

2 SAMUEL 6:12

Jatun mandac Davidmanca: «Obed-edompac huasipi Diospac Arca cashcamantami paipac familiatapish, paipac ima charishcacunatapish Mandac Diosca bendiciashca» nishpa huillashcata yachac chayashpami, Davidca cushicushpa, Obed-edompac huasimanta paipac puebloman Arcataca aparca.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SALMOS 78:68

Chaipac randica Judapac ailluta, Sión urcuta acllashpami cuyarca.

DEUTERONOMIO 12:21

Mandac Dios paipac shutita churangapac acllashca pushtu carupi cacpica, ñuca mandashca shina huagracunatapish, ovejacunatapish huañuchishpa, cancuna munashca shina, cancunapac llactallapitac micunguichiclla.

1 TIMOTEO 2:8

Jesusta cric caricunaca, maipi cashpapish mana piñarishpa, mana piñanacushpa, jahuaman maquita chutashpa alli shunguhuan Diosta mañachunmi munani.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SALMOS 76:2

Paihuan tupana huasica Salem pueblopimi tiyacun. Pai causana huasica Sionpimi can.

SALMOS 134:3

¡Jahua pachatapish, cai pachatapish ruhuac Mandac Dios Sión pueblomanta canta bendiciachun!

SALMOS 128:5

¡Mandac Diosca cantaca Sionmantami bendicianga! Cambac tucui causaipimi Jerusalentaca alli cashcata ricungui.

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

DEUTERONOMIO 7:13

Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.

ÉXODO 10:25

Shina nicpimi Moisesca: —Ñucanchic Mandac Diosman animalta huañuchishpa rupachishpa cuchunca, canmi cuna cangui.

ÉXODO 18:12

Quipaca Moisespac suegro Jetroca animalta huañuchishpa, Diosman cushpa, tucui rupachishpami, shuctac ofrendatapish curca. Aaronpish, tucui israelcunata pushaccunapish Moisespac suegro Jetrohuan Diospac ñaupapi micungapacmi rirca.

ÉXODO 20:25

Chai altarta ama labrashca rumicunahuan ruhuanguichicchu. Fierrocunahuan allichishpaca mapayachinguichicmi.

ÉXODO 24:5

Chai quipaca israelpuramanta maijan mosocunatami Mandac Dios-huan alli tucungapac shuc maltón huagrata huañuchishpa, rupachichun cacharca.

ÉXODO 27:1

Acacia caspimanta shuc cuadrado altarta ruhuangui. Chai altarca sunimanpish, anchomanpish ishcai metro quimsa chunga centímetro, cutin altomanca ishcai metro quimsa chunga centimetromi canga.

LEVÍTICO 17:9

ñucahuan tupana huasi yaicunaman mana apamushpaca, israelcunapuramanta anchuchishcami canga.

2 REYES 5:17

Chaimantami Naamanca: —Shina cashpaca, cai llactamanta canta servic ñuca allpata ishcai mulapi apachun saqui. Chaica canta servic ñucaca cunanmanta ñaupamanca mana shuctac dioscunaman animalta tucui rupachishachu. Ashtahuanpish Mandac Diosllamanmi tucui rupachisha.

ISAÍAS 64:5

Cushicuihuan cashcata ruhuaccunahuan, canta yuyarishpa causaccunahuan tupangapac llucshircanguimi. Riqui, ñucanchic juchata ruhuashcamantaca piñarircanguimi. Cai tucui huatacunatami juchallata ruhuashpa catircanchic. Chashna cashpaca, ¿quishpirishunchu?

ÉXODO 24:4

Moisesca Mandac Dios tucui nishcacunata quillcashpami, cayandi tutamanta utca jatarishpa, urcu chaquipi shuc altarta ruhuarca. Chai altartaca chunga ishcai Israel aillucunata catishpami, chunga ishcai rumita japishpa shayachirca.

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

SALMOS 122:2

Mandac Dioslla, ñucanchicca Jerusalén pungucunata yaicushpami shayacunchic.