ÉXODO 2:23 - Dios Rimashcata Quillcashcami

²³ Tauca huatacuna quipami Egipto llactata jatun mandacca huañurca. Israelcunaca sinchi ruhuaicunapi cashpami, caparishpa Diosta mañarca. Chashna caparishpa mañashcataca Diosca uyarcami.

ÉXODO 2:23 Referans Kwoze

SANTIAGO 5:4

Cancunapac allpapi granota tandaccunamanca mana pagashcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Diosca uyashcami.

HECHOS 7:30

Chuscu chunga huatata chai llactapi causacushpami, Moisesca Sinaí urcu cuchulla shitashca pambapi, shuc zarza yura rupacucta ricurca. Chai rupacuc yura chaupipica, shuc angelmi ricurirca.

GÉNESIS 16:11

Cunanca, huicsayucmi cangui, shuc cari huahuatami charingui. Chai huahuataca Dios cambac llaquita uyashcamantami Ismaelta shutichingui.

ISAÍAS 19:20

Tucuita Mandac Diosta yuyachic shuc señaltami Egiptopi causaccunamanca canga. Llaquichiccuna llaquichicucpi, Mandac Diosta caparishpa mañacpica, quishpichic mandactami cachanga.

SALMOS 18:6

Llaquihuan cashpaca Mandac Diostami caparishpa mañarcani. Ñuca mañashcataca paipac huasimantami uyarca. Ñuca caparishcaca paipac ringrimanmi uyarirca

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

NEHEMÍAS 9:9

Ñucanchic ñaupa taitacunataca Egiptopi llaquita causacuctami ricurcangui. Puca Cucha patapi caparishpa mañashcatami uyarcangui.

DEUTERONOMIO 24:15

Trabajac runamanca manarac inti tigracpi, chai punzhallatac paganguichic. Paica huacchami, chai pagana cullquillatami charin. Chashna pagacpica, cancunata Mandac Dios llaquichichun mana mañangachu. Shina mana mañacpica, juchayucchu tucunguichic.

ÉXODO 4:19

Madianpi cacpimi, Mandac Diosca Moisestaca: —Canta huañuchishun niccunaca tucuimi huañurca. Chaimanta Egiptoman cutishpa rilla— nirca.

GÉNESIS 4:10

Mandac Diosca Caintaca: —¿Imamantatac chaitaca ruhuarcangui? Ashtahuanpish cambac huauquipac yahuarca pambamanta pachami ñucata caparicun.

NÚMEROS 20:16

Chaimantami ñucanchic Mandac Diostaca caparishpa mañarcanchic. Chashna mañacpica, Mandac Dios uyashpami paipac angelta Egiptomanta llucchichun cacharca. Cunanca cambac llacta lindero cuchulla Cadespimi canchic.

ÉXODO 7:7

Faraonhuan parlanacui punzhapica Moisesca pusac chunga huatata, cutin Aaronca pusac chunga quimsa huatatami charirca.

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

ÉXODO 1:14

Chashnami ladrillota ruhuangapac turuta ruhuachishpa, shuctac trabajocunata ruhuachishpa, yallita llaquichirca.

ÉXODO 6:5

Shinallatac Egipto runacuna israelcunata achcata servichicpi, paicuna llaquihuan caparishcata uyarcanimi. Paicunahuan ari nishcatapish yuyarircanimi.

ÉXODO 6:9

Tucui chaitami Moisesca israelcunamanca huillarca. Shina huillacpipish sinchi trabajocunahuan llaquilla cashcamantami Moisés nishcataca mana uyashun nircacuna.

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.

JOB 35:9

Runacunallatac huatashca shina charicucpimi caparincuna. Sinchi runacuna llaquichicpimi, caparishpa huacancuna.

SALMOS 102:1

Mandac Dioslla, ñuca mañashcata uyaiyari. Ñuca caparishpa mañashcaca canman uyarishca cachun.

JUECES 4:3

Jatun mandac Jabinca iscun patsac fierro carretatami charirca. Shinallatac ishcai chunga huatatami yallita llaquichirca. Chaimantami israelcunaca Mandac Diosta caparishpa mañarcacuna.

1 SAMUEL 9:16

«Caya cai horasllatacmi Benjamín aillupac llactamanta shuc runata cambacman cachasha. Paitaca ñuca acllashca israelcunata mandac cachun aceitehuan cahuingui. Paimi ñuca acllashcacunataca filisteocunapac maquimanta quishpichinga. Ñuca acllashcacuna llaquilla causacushcata ricushcanimi. Paicuna caparishpa mañashcaca ñucamanmi uyarirca» nirca.

SALMOS 102:2

Ñuca llaqui punzhapi cacpica, cambac ñahuita ama pacanguichu. Cambac ringrihuan uyaiyari. Ñuca mañacuc punzhapica utcashpa cutichiyari.