ÉXODO 2:10 - Dios Rimashcata Quillcashcami

¹⁰ Chai huahua huiñacpica, Faraonpac ushiman cungapacmi apamurca. Paica chai huahuataca quiquin huahua shinatami charirca. Paica: «Cai huahuataca yacumantami llucchircani» nishpami, Moisesta shutichirca.

ÉXODO 2:10 Referans Kwoze

HEBREOS 11:24

Crishcamantami Moisespish jatun cashpaca, jatun mandac Faraonpac ushipac huahua canataca mana munarca.

1 SAMUEL 1:20

Chashnami Ana huicsayuc tucushpa, sajuarina punzha pactacpica, shuc cari huahuata sajuarirca. Chai huahuataca: «Mandac Diostami ñucaca mañarcani» nishpami Samuelta shutichirca.

GÉNESIS 16:11

Cunanca, huicsayucmi cangui, shuc cari huahuatami charingui. Chai huahuataca Dios cambac llaquita uyashcamantami Ismaelta shutichingui.

1 JUAN 3:1

Ñucanchic Dios mai cuyashcamantami, ñucanchictaca paipac huahuacuna nishpa cayan. Chaica chai shinatacmi canchic. Cai pachapaclla causaccunaca Diosta mana ricsishcamantami ñucanchic paipac cashcatapish mana ricsincuna.

GÁLATAS 4:5

Paica mandashcacunata ñucanchic pactachishpa huatashca shina causacushcamanta cacharichishpa, Diospac huahuacuna tucuchunmi shamurca.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

GÉNESIS 48:5

Chaica, ñuca manarac cai Egipto llactapi canhuan causangapac shamucpi, cai llactapi huacharishca ishcai churi Efrainpish, Manasespish ñuca quiquin churicunami. Paicunaca ñuca churi Rubén, Simeón shinallatacmi ñuca churicuna can.

GÉNESIS 4:25

Adán cutinllatac paipac huarmi Evapi chayaricpica, shuc cari huahuatami charirca. Chai huahuataca: «Diosmi Caín huañuchishca Abelpac randi cun» nishpami Setta shutichirca.

ÉXODO 2:9

Faraonpac ushica chai huarmitaca: —Cai huahuata apashpa huiñachigri. Can huiñachishcamantaca pagashallami— nirca. Chashna nicpimi, chai huahuapac mamaca apashpa huiñachirca.

2 SAMUEL 22:17

Jahua pachamanta, paipac maquita chutashpami, mama cucha ucumanta ñucata llucchirca.