ÉXODO 18:12 - Dios Rimashcata Quillcashcami

¹² Quipaca Moisespac suegro Jetroca animalta huañuchishpa, Diosman cushpa, tucui rupachishpami, shuctac ofrendatapish curca. Aaronpish, tucui israelcunata pushaccunapish Moisespac suegro Jetrohuan Diospac ñaupapi micungapacmi rirca.

ÉXODO 18:12 Referans Kwoze

DEUTERONOMIO 12:7

Chaipimi Mandac Diospac ñaupapi cancunapish, familiacunapish cushicushpa, micuna canguichic. Cancunapac maquihuan ruhuashcata cancunata Mandac Dios bendiciashcamantami chashna cushicuna canguichic.

GÉNESIS 31:54

Chai quipami Jacoboca animalta urcupi huañuchishpa, paipac huasi ucupuracunaman carangapac cayarca. Tucui paicunami chaipi micushpa, chai tutaca pacarirca.

ÉXODO 24:11

Shina israelcunata pushac yuyaccuna Diosta ricucpipish, Diosca mana llaquichircachu. Chaimantami paicunaca micushpapish, ubiashpapish carcacuna.

ÉXODO 24:5

Chai quipaca israelpuramanta maijan mosocunatami Mandac Dios-huan alli tucungapac shuc maltón huagrata huañuchishpa, rupachichun cacharca.

1 CORINTIOS 10:31

Chaimanta imata micushpapish, imata ubiashpapish, imata ruhuashpapish, Dios alli nishca cachun ruhuaichic.

1 CORINTIOS 10:21

Mana (chai ratollatac) Apunchic Jesuspac vasomantapish, diablopac vasomantapish ubiai pudinguichicchu. Shinallatac mana Apunchic Jesuspac mizamantapish, diablopac mizamantapish micui pudinguichicchu.

1 CORINTIOS 10:18

Israelcunata ricushpa yuyarichic. Animalta huañuchishpa, altarpi rupachishca aichata micuccunaca, ¿manachu Dios-huan shuc shinalla tucuncuna?

SAN LUCAS 14:15

Mizapi Jesus-huan tiyacuccunapuramanta shuc runa chashna nicta uyashpaca: —Pipish Dios maipi mandacucpi micungapac chayacca cushicungami— nirca.

SAN LUCAS 14:1

Shuc samana punzhapimi Jesusca mandac fariseopac huasipi micungapac yaicurca. Chaipimi caishuc fariseocunaca Jesusta ima shinapish juchanchingapac chapacurca.

DANIEL 10:3

Quimsa semanacamanmi ima mishqui micunatapish mana micurcanichu. Aichatapish, vinotapish mana mallircanichu. Aceitehuanpish mana cahuirircanichu.

JOB 42:11

Chai quipami paipac huauquicunapish, panicunapish, tucui ñaupa ricsishcacunapish paihuan micungapac huasiman shamurcacuna. Mandac Dios paita llaquichishcamantami paicunapish llaquishcata ricuchingapac, cushichingapacpish shamurcacuna. Tucui paicunami cullquitapish, curi sortejascunatapish caishuc chaishuc cungapac apamurcacuna.

JOB 42:8

Cunanca canchis becita, canchis carnero ovejata cancunamanta ñucaman cushpa, tucui rupachichun ñucata servic Jobman cugrichic. Ñucata servic Jobmi cancunamanta ñucata mañanga. Pai mañashcatami ñucaca uyasha. Pai mañacllapimi, cancunataca ñucamanta mana allita huillashca cacpipish, mana yallita llaquichisha. Cancunaca ñucata servic Job shinaca mana huillarcanguichicchu» nirca.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

2 CRÓNICAS 30:22

Ezequiasca Mandac Diosta servingapac tucui alli yuyaita charic levitacunatami paicunapac shungupi chayacta rimarca. Jatun fiesta punzhapi micungapac huañuchishca aichataca canchis punzhacamanmi micurcacuna. Dios-huan alli tucungapac animalcunata cushpa huañuchishca shinallatac paicunapac ñaupa taitacunata Mandac Diosta pagui nishpami micurcacuna.

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

DEUTERONOMIO 27:7

Shinallatac Dios-huan alli tucungapacpish animalta cunguichic. Chaipi micushpa, Mandac Diospac ñaupapi cushicunguichic.

ÉXODO 2:20

Chashna nicpimi, Reuelca paipac ushicunataca: —¿Maipitac chai runaca? ¿Ima nishpatac mana pushamurcanguichic? Richic, micunata carangapac cayamugrichic— nirca.

GÉNESIS 43:25

José chaupi punzha chaipi micungapac shamuna cashcata yachashpami, pai shamungacamanca paicuna convidanacunata cungapac allichirca.

GÉNESIS 26:25

Chaipimi Isaacca altarta ruhuashpa, Mandac Diosta pagui nirca. Shinallatac chaillapitacmi carpa huasita ruhuarca. Chaipi causacucpimi, Isaacta serviccunaca shuc yacu junduta allarca.

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

GÉNESIS 8:20

Chai quipami Noeca Mandac Diosman altarta ruhuarca. Chaipimi Mandac Diosman cuna animalcunamantapish, volac animalcunamantapish shucta Mandac Diosman cushpa rupachirca.

GÉNESIS 4:4

Abelpish punta huacharishca sumac huira ovejatami Mandac Diosman cungapac apamurca. Mandac Diosca Abelta cushilla chasquishpami pai cushca ovejatapish chasquirca.

ÉXODO 2:16

Madián llactapi causac curami canchis ushita charirca. Paicunaca yacuta llucchishpa, rumi bateacunapi jundachishpa, taitapac ovejacunaman ubiachingapacmi shamurca.

ÉXODO 3:1

Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

ÉXODO 18:13

Cayandi punzhaca Moisesca israelcunapac llaquicunata allichingapacmi tiyarirca. Israelcunaca tutamantamanta chishicaman Moisespac ñaupapi shayacurca.

ÉXODO 20:24

Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ÉXODO 33:7

Moisesca chai carpa huasitaca israelcunapac carpa huasimanta carupimi shayachirca. Chai huasitaca Dios-huan tupana huasitami shutichirca. Maijanpish Dios-huan tupasha nishpaca, chaimanta carupi shayachishca carpa huasimanmi rina carca.

NÚMEROS 10:29

Moisespac suegroca Madianmanta Reuelmi carca. Paipac churi Hobabtami Moisesca: —Ñucanchicca Mandac Dios cusha nishca llactamanmi ricunchic. Canpish ñucanchic-huan jacu. Mandac Dios ñucanchic-huan allimi casha nishca shinallatacmi canhuanpish alli cashun— nirca.

GÉNESIS 26:30

Chai quipami paicunaca jatun micuita ruhuashpa micurcacuna, shinallatac ubiarcacuna.