ÉXODO 17:2 - Dios Rimashcata Quillcashcami

² Chaimanta israelcunaca Moisesta rimarishpaca: —¡Ñucanchicman yacuta ubiangapac cui!— nirca. Shina nicpimi Moisesca: —¿Ima nishpatac ñucahuanca piñaringuichicyari? ¿Mandac Dios ñucanchic-huan cashcata, mana cashcatachu ricusha ninguichic?— nirca.

ÉXODO 17:2 Referans Kwoze

1 CORINTIOS 10:9

Paicunapuramanta maijancuna shina, Mandac Diosta mana pandachisha ninachu canchic. Chashna ruhuashpami, paicunaca culebra canishca huañurcacuna.

SALMOS 78:41

Dios ima shina cashcata ricungapacmi tauca cutin mañashpa, israelcunapac jucha illac Diostaca llaquichircacuna.

SALMOS 78:18

Dios ima shina cacta ricungapacmi paicuna munashca micunata mañarcacuna.

DEUTERONOMIO 6:16

Masá llactapi Mandac Diosta ruhuashca shina, ruhuashpa ama piñachinguichicchu.

HEBREOS 3:9

Chaipimi cancunapac ñaupa taitacunaca, chuscu chunga huatata ñuca ima ruhuashcata ricushpapish, cutin ricushun nishpa piñachircacuna.

ISAÍAS 7:12

Shina nicpimi Acazca: —Ima ricuchinacunata ruhuachun nishpa, Mandac Diosta mana piñachisha ninichu— nirca.

SAN MATEO 4:7

Chashna nicpimi Jesusca: —Dios quillcachishcapica: “Canta Mandac Diosta ama pandachisha nichun” ninmi— nirca.

SALMOS 95:9

Chaipica cancunapac taitacunami ñuca imallata ruhuashcata ricushca jahuapish caita chaita ruhuai nircacuna.

NÚMEROS 21:5

Mandac Diostapish, Moisestapish rimarishpaca: «¿Imapactac ñucanchicta Egiptomanta cai shitashca pambapi huañuchun llucchimurcanguichic? Caipica yacupish, micunapish mana tiyanchu. Cai micunataca ña mana micunayanchu» nirca.

HECHOS 15:10

Cunanca, ¿ima nishpatac ñucanchicpish, ñaupa taitacunapish maita mana pactachi pudishcata, pactachichun nishpa, Diosta piñachicunguichic?

HECHOS 5:9

Shina nicpimi Pedroca: —¿Ima nishpatac Mandac Diospac Espirituman llullanata yuyarircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.

SAN LUCAS 4:12

Shina nicpimi Jesusca: —Dios quillcachishcapica: “Mandac Diosta, ama pandachisha nichun” ninmi— nirca.

MALAQUÍAS 3:15

Cunanca, jatun tucushpa puriccunaracmi cushilla causacun. Mana allita ruhuashpa causaccunaracmi sumacta causan. Shinallatac Mandac Diosta mana cazuccunapish sumactami causan” nircanguichicmi» ninmi.

SALMOS 106:14

Paicunaca shitashca pambapimi, paicuna munashcata ruhuarcacuna. Dios imata ruhuacta ricungapacmi, caita chaita ruhuachun nircacuna.

SALMOS 78:56

Ashtahuanpish jahua pachapi causac Diosta pai ima shina cashcata ricungapacmi piñachircacuna. Ima shina causanata pai yachachishcatapish mana cazurcacunachu.

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

ÉXODO 17:7

Chaipi israelcuna piñarishcamantami chai pambataca «Masata» shutichirca. Shinallatac Mandac Diosta rimashpa: «¿Mandac Diosca ñucanchic-huanchu? ¿Manachu ñucanchic-huan?» nishcamantami “Meribata” shutichirca.

SAN LUCAS 15:12

Quipa churica taitataca: “Taitito, ñuca japina cashcataca cui” nirca. Shina nicpimi, taitaca tucui charishcacunata chaupishpa curca.

ÉXODO 15:24

Chaimantami israelcuna piñarishpa, Moisestaca: —¿Ima yacutatac ubiashun?— nishpa rimarirca.

1 SAMUEL 8:6

Paicuna: «Ñucanchicpac juez cachun shuc jatun mandacta churaiyari» nishpa mañacpimi, Samuelca yallita llaquirirca. Chaimantami Samuelca Mandac Diosta mañarca.

NÚMEROS 14:2

Israelcuna Moisestapish, Aarontapish rimashpaca: «¡Egipto llactallapitac huañushca cashpachari alli canchicman carca! ¡Mana cashpaca cai shitashca pambapi huañushpachari alli canchicman!

ÉXODO 5:21

Shina tupashpaca: —Cancunallatacmi ñucanchictaca Faraonpac ñaupapi millanata ruhuashcanguichic. Cancunallatacmi ñucanchicta huañuchichun, espadata paicunapac maquipi churac shina ruhuashcanguichic. Chaita ruhuashcamantaca Mandac Diosllatac ricushpa taripashpa llaquichichun— nirca.

ÉXODO 16:8

Moisés ashtahuan rimashpaca: —Cunan chishica aichata, caya tutamantaca tandatami huicsa pactata micuchun cunga. Mandac Diosca cancuna huashalla rimashcata uyashcami. Chashnaca mana ñucanchictachu rimashcanguichic, ashtahuanpish Mandac Diostami rimashcanguichic. Ñucanchicca, ¿pitac canchicyari?— nirca.

SALMOS 95:8

«Meriba pambapi ruhuashca shina, shitashca pamba Masapi ruhuashca punzhacuna shina ama cancunapish rumi shungu tucuichicchu.

SALMOS 106:13

Ashtahuanpish Dios ruhuashcacunata utca cungarishpami can yuyaita cuchunca mana shuyarcacuna.

DEUTERONOMIO 9:22

Tabera, Masá, shinallatac Quibrot-hataaval llactacunapipish yallitami Mandac Diostaca piñachircanguichic.