ÉXODO 16:25 - Dios Rimashcata Quillcashcami

²⁵ Chaimantami Moisesca: —Cunanca, Mandac Diospaclla chicanyachishca samana punzhami, chaimanta micuichiclla. Cunanca imapish pambapica mana tiyangachu.

ÉXODO 16:25 Referans Kwoze

ÉXODO 16:23

Shina huillacpimi Moisesca: —Mandac Diosca: “Cayaca Mandac Dios ñucapaclla chicanyachishca samana punzhami. Cusana tiyacpica, cunanllatac cusaichic. Imapish puchushcataca cayandipac huacaichichiclla” ninmi— nirca.

NEHEMÍAS 9:14

Cambaclla chicanyachishca samana punzhatami churarcangui. Mandashca shimicunatapish, pactachinacunatapish, yachachishcacunatapish canta servic Moisestami quillcachircangui.

ÉXODO 16:29

Riquichic, samana punzhataca ñuca Mandac Diosmi curcani. Chaimantami suctaniqui punzhapica ishcai punzhapac micunata curcani. Canchisniqui punzhapica pipish huasimanta mana llucshishpami, maipi tiyacushcallapitac saquirina canguichic— nirca.

ÉXODO 16:24

Moisés mandashca shinallatacmi paicunaca puchushcata huacaichirca. Shina huacaichicpipish cayandi ricucpica, mana curushca, mana ashnacucchu pacarishca carca.

ÉXODO 16:26

Sucta punzhacamanmi pallai pudinguichic, ashtahuanpish canchisniqui punzhaca samana punzhami. Chai punzhapica imatapish mana taringuichicchu— nirca.