ÉXODO 16:19 - Dios Rimashcata Quillcashcami

¹⁹ Moisesca paicunataca: —Pipish puchutaca cayandipac ama huacaichichun— nirca.

ÉXODO 16:19 Referans Kwoze

ÉXODO 23:18

Ñucaman cushpa, huañuchishca animal yahuartaca ama levadurahuan ruhuashca tandahuan cunguichu. Animal huiratapish ama cayapac huacaichinguichu.

ÉXODO 12:10

Cayapacca mana puchuchinachu. Imapish puchucpica, ninapi rupachinguichic.

SAN MATEO 6:34

Ama: “Cayaca, ¿imashi tucushun?” nishpa, llaquiricuichicchu. Llaquicunaca punzhantami tiyan. Chaimanta cayapac ima tucuna cashcataca, cayallatami yuyarina canguichic.

ÉXODO 16:23

Shina huillacpimi Moisesca: —Mandac Diosca: “Cayaca Mandac Dios ñucapaclla chicanyachishca samana punzhami. Cusana tiyacpica, cunanllatac cusaichic. Imapish puchushcataca cayandipac huacaichichiclla” ninmi— nirca.

ÉXODO 16:20

Ashtahuanpish maijanca Moisés nishcata mana cazushpami, puchuta cayandipac huacaichirca. Shina huacaichicpica, ashnacyashpa, curu jundashcami pacarishca carca. Chaimantami Moisesca paicunahuan piñarirca.