ÉXODO 15:26 - Dios Rimashcata Quillcashcami

²⁶ Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 15:26 Referans Kwoze

SALMOS 103:3

Paimi tucui can mana allita ruhuashcacunataca perdonan. Tucui nanaicunatapish paimi jambin.

DEUTERONOMIO 7:15

Mandac Diosca cancunamantaca nanaicunatapish, Egipto llactapi cancuna ricushca, manchana ungüicunatapish anchuchingami. Chai ungüicunaca cancunataca mana japingachu, ashtahuanpish cancunata mana ricunayachic gentecunatami japinga.

ÉXODO 23:25

Canta Mandac Diosta servingui. Ñucami tandatapish, yacutapish bendiciasha. Shinallatac ñucami tucui ungüicunata canmanta anchuchisha.

SALMOS 147:3

Shungu paquirishcacunata allichicmi. Chugricunata jambishpa tapachicmi.

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

LEVÍTICO 26:13

Ñucaca cancunata Mandac Diosmi cani. Ñucami cancuna ama ashtahuan servishpa catichun, Egipto llactamanta llucchimurcani. Mana manchashpa causachunmi, chai llactapi huatashca shina causaimanta cacharichircani.

JOB 5:18

Pai chugrichishpapish paillatacmi jambin. Pai nanachishpapish paillatacmi allichin.

DEUTERONOMIO 28:60

Egipto llactapi llaquichishca shina manchana plagacunahuan llaquichinga. Chai plagacunaca cancunamantaca mana anchuringachu.

DEUTERONOMIO 12:28

Mandac Diospac ñaupapi cashcata ruhuangapacca, tucui ñuca mandashcacunata yuyarashpa cazunguichic. Chashnami cancunapish, cancunapac huahuacunapish huiñaita allita causanguichic.

1 REYES 11:33

Ñucata saquishpami, Sidón llactapi causaccunapac Astoret huarmi diosta, Moab llactapi causaccunapac Quemos diosta, Amón llactapi causaccunapac Moloc diosta alli nishpa causancuna. Ñucapac ñaupapi allita ruhuashpa, ñuca yachachishcacunata catishpa, causanata mana munashpami chashna causancuna. Salomonca pactachichun ñuca nishca shimicunata, imata ruhuachun ñuca mandashcacunataca paipac taita David cazushca shinaca mana cazunchu.

ISAÍAS 57:18

Chashna ruhuacuctami ricurcani. Paicunataca ñucallatac allichishpami michic shina pushasha. Paicunatapish, paicunahuan llaquilla causaccunatapish cushichishami.

DEUTERONOMIO 13:18

Mandac Dios rimashcata uyashpa, cunan ñuca yachachishca mandashcacunata cazunguichic. Chashnami Mandac Diospac ñaupapi cashcata ruhuanguichic.

2 REYES 20:5

«Ñuca acllashcacunata mandac Ezequiaspacman cutirishpa: “Cambac taita Davidta Mandac Diosca: ‘Can mañashcataca uyanimi. Cambac huiquitapish ricunimi. Cantaca alliyachigrinimi. Quimsa punzha quipaca Mandac Dios ñuca huasiman ringui.

DEUTERONOMIO 28:27

Mandac Diosmi cancunataca Egipto llactapi causaccunata llaquichishca shina, sisu ungüihuanpish, chupu ungüihuanpish, shicshi ungüihuanpish llaquichinga. Cancunaca mana jambiri pudinguichicchu.

EZEQUIEL 18:5

Cashcata ruhuac runaca, allitami ruhuan. Chaimantami

JEREMÍAS 8:22

¿Manachu Galaad llactapi bálsamo tiyan? ¿Imamantatac ñuca llactapi causaccunata jambingapacca, ima jambipish mana tiyan?

2 REYES 22:2

Mandac Diospac ñaupapica allita ruhuashpami causarca. Paipac ñaupa taita David causashca shinallatacmi alli ladomanpish, lluqui ladomanpish mana ladoyashpa allita causarca.

LEVÍTICO 26:3

Ñuca yachachishca shina causashpa, ñuca mandashcacunatapish cazucpica,

1 REYES 11:38

Canpish ñucata servic David shinallatac ñuca tucui nishcacunata uyashpa, ñuca mandashcacunata cazushpa, ñuca ñaupapi allita ruhuashpa causacpica, ñucaca canhuanmi casha. Israel llactata mandanataca Davidpac huahua huahuacunaman cushca shinallatacmi can mandachun cusha. Cambac huahua huahuacuna huasha huasha mandanamantaca manatac anchuchishachu.

DEUTERONOMIO 28:58

Cai quillcashca mandashcacunapi tucui nicushcata cungarishpa, Mandac Diospac sumaimana manchana shutita mana cazucpica,

ÉXODO 12:29

Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

ÉXODO 19:5

Cancuna ñuca nishcata cazushpa, ñucahuan ari nishcata pactachishpaca, tucuimanta yalli valishca ñucapaclla gentecunami canguichic.

ÉXODO 19:6

Cancunaca mandac curacuna, shinallatac jucha illac gentecunami canguichic. Tucui cai llactaca ñucapacmi” ninmi ningui— nirca.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

DEUTERONOMIO 12:25

Cancunapish, cancunapac quipa huiñaicunapish allita causangapacca, mana chaicunata micunachu canguichic. Mandac Diospac ñaupapi allita ruhuashpa causanguichic.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

2 REYES 2:21

Chaitami Eliseoca yacu junduman apashpa, chaipi cachita shitashpaca: —Mandac Diosca: “Ñucami cai yacuta allichircani. Chaimanta cai yacupica huañuipish, ungüipish mana ashtahuan tiyangachu” ninmi— nirca.

JEREMÍAS 7:23

Chaipac randica ñucaca: Cancunaca ñuca ima nishcata cazuichic. Cancuna cazucpica, cancunapac Diosmi casha. Cancunapish ñuca acllashcacunami canguichic. Ñuca mandashcacunata cazushpaca, allimi causanguichic nircani.

JEREMÍAS 11:7

Ñaupa taitacunata Egiptomanta llucchimushca punzhamanta cunancamanmi: Ñuca mandashcacunata uyaichic nishpa punzhanta mandacurcanilla.

JEREMÍAS 17:24

Shina cacpipish, Mandac Dios ñucaca: Cancuna ñucata cazushpaca, samana punzhapi cai llacta pungucunataca ama imata apashpa yaicuichicchu. Ashtahuanpish samana punzhata ñucapaclla cachun chicanyachishpa, ama imata ruhuaichicchu.

JEREMÍAS 30:17

Canta: “Sionca shitashcami siricun. Pipish mana yuyarinchu” nicucpipish, ñucallatac jambita cachashpami, cambac chugritaca alliyachisha. Chaitaca Mandac Dios ñucami nini» ninmi.

NÚMEROS 12:13

Shina nicpimi Moisesca: «¡Mandac Dioslla, Mariataca cunanllatac allichiyari!» nishpa caparishpa mañarca.

DEUTERONOMIO 5:1

Moisés israelcunata cayashpaca: «Tucui israelcuna, cunan ñuca cancunaman huillashca mandashcacunatapish, yachachishcacunatapish allita uyaichic. Caitaca allita yachacushpa, pactachishpa causaichic.

SALMOS 81:9

Cancunapac chaupipi shuctac diosta ama charinguichicchu. Shuctac llacta diosta ama adoranguichicchu.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

OSEAS 11:3

Ñucami Efrainpac aillutaca rigramanta aisashpa, alli ñanta purinata yachachircani. Ashtahuanpish paicunaca ñuca jambishcataca mana yacharcachu.