ÉXODO 15:25 - Dios Rimashcata Quillcashcami

²⁵ Chaimantami Moisesca Mandac Diosta caparishpa mañarca. Shina mañacpica, Mandac Diosca shuc yuratami ricuchirca. Moisés chai yurata yacupi shitacpica, yacuca mishquiyarcami. Chaipimi Mandac Diosca pai mandashcacunatapish, quillcashcacunatapish curca. Shinallatac cazucta, mana cazuctapish ricurcami.

ÉXODO 15:25 Referans Kwoze

DEUTERONOMIO 8:2

Mandac Dios chuscu chunga huatata shitashca pambata apamushcata yuyaringuichic. Chaitaca cancuna imata yuyac cashcata, mandashcata cazucta, mana cazuc cashcata ricungapacmi ruhuarca.

SALMOS 66:10

Dioslla, ñucanchictaca llaquichishpami ima shina cacta ricurcangui. Chuya cullquita ruhuangapac rupachic shinami chuyayachircangui.

JUECES 3:1

Macanacunata manarac yachac Canaanpi causac israelcuna Diosta yuyaricta, mana yuyaricta ricungapac Mandac Diosca saquishca llactacunaca caicunami:

JUECES 3:4

Chai llactacunataca israelcunapac taitacunaman Mandac Dios Moisesta huillachishca mandashcacunata pactachicta, mana pactachicta ricungapacmi saquirca.

JUECES 2:22

Israelcuna paicunapac ñaupa taitacuna Mandac Diosta cazushca shina cazucta, mana cazucta ricungapacmi chai llactapi causaccunataca mana llucchishpa cachasha» nirca.

DEUTERONOMIO 8:16

Shinallatac cancunapac taitacuna mana ricsishca maná shuti micunatami cararca. Cancuna ima shina cashcata ricungapac, cancunapac allipacllatami llaquichirca.

ÉXODO 16:4

Shina nicpimi, Mandac Diosca Moisestaca: —Israelcuna ñuca mandashcata cazushcata, mana cazushcata ricungapacca, jahua pachamantami tandata tamyachigrini. Paicunaca punzhantami micuna pactallata pallana can.

2 REYES 2:21

Chaitami Eliseoca yacu junduman apashpa, chaipi cachita shitashpaca: —Mandac Diosca: “Ñucami cai yacuta allichircani. Chaimanta cai yacupica huañuipish, ungüipish mana ashtahuan tiyangachu” ninmi— nirca.

1 CORINTIOS 1:18

Cristo cruzpi huañushcata huillashcaca, pucllashca shinami chingarinaman riccunamanca ricurin. Ashtahuanpish ñucanchic quishpirinaman riccunamanca, Diosca poderyuc cashcatami ricuchin.

JEREMÍAS 9:7

Chaimantami tucuita Mandac Diosca: «Ñuca llactapi causaccunataca, ¿imatatac ashtahuan ruhuasha? Curita ninapi rupachishpa chuyayachic shinami, paicuna ima shina cacta ricugrini.

PROVERBIOS 17:3

Cullquitapish, curitapish hornopi rupachishpami alli cashcata ricuna. Ashtahuanpish runapac shungutaca Mandac Diosmi ricucun.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

2 REYES 4:41

Shina caparicpimi, Eliseoca: «Harinata apamuichic» nirca. Chai harinata mangapi churashpaca: «Gentecuna micuchun carailla» nirca. Gentecunaca micurcami, ima mapapish ña mana tiyarcachu.

ÉXODO 14:10

Jatun mandac Faraón ña cuchuyacucpimi, israelcunaca huichailla ricushpa, Egipto runacuna caticucta ricurca. Chaimantami mancharishpa Mandac Diosta caparishpa,

SALMOS 99:6

Moisespish, Aaronpish paipac curacunapurami carca. Samuelpish paita mañaccunapurallatacmi carca. Paicuna mañashcataca Mandac Diosca uyacmi carca.

SALMOS 81:7

Llaquipi cashpa ñucata caparicpica quishpichircanimi. Tulun nicuc chaupimantami cutichircani. Meriba yacu ladopimi cancuna ima shina cashcata yacharcani.

DEUTERONOMIO 13:3

Shina nicpipish, ama chai huillac nishcata, chai muscuc muscushcata uyanguichicchu. Ashtahuanpish Mandac Diosmi paita tucui shunguhuan, tucui almahuan cuyac cashcata ricungapac chaita ruhuachinga.

ÉXODO 17:4

Moisés Mandac Diosta mañashpaca: —Cai gentecunahuanca, ¿imatatac ruhuashayari? Ñucataca ñallami rumihuan shitagrin— nirca.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

ÉXODO 20:20

Shina nicpimi Moisesca: —Ama manchaichicchu. Diosca cancuna paita manchac cashcata ricungapacmi shamurca. Paica cancuna punzhanta paita manchashpa, ama juchallichunmi munan— nirca.

2 REYES 6:6

Shina caparicpimi, Diospac runaca: —¿Maipitac urmarca?— nishpa tapurca. Shina tapucpica ricuchircami. Shina ricuchicpimi, Eliseoca shuc caspita pitishpa, hacha urmashca pushtupi shitashpa, hachata huambuchirca.

EZEQUIEL 47:7

Chaipica caishuc ladomanpish, chaishuc ladomanpish achca yuratami ricurcani.

EZEQUIEL 47:8

Chaimantami ñucataca: «Cai yacuca inti llucshina lado llactamanmi ricun. Arabá pambata urai rishpaca, Cachi Cuchaman chayashpami, mishqui yacu tucunga.