ÉXODO 15:14 - Dios Rimashcata Quillcashcami

¹⁴ Gentecunaca chaita uyashpaca chucchungami. Filisteocunaca yallita manchangami.

ÉXODO 15:14 Referans Kwoze

DEUTERONOMIO 2:25

Cunanmi cai pachapica manchaita, chucchuita churagrini. Cancunamanta parlashcata uyashpallami munai manchaihuan chucchunga” nirca.

ISAÍAS 14:31

¡Llacta pungupi cuidaccuna huacaichicyari! ¡Llactapi causaccunapish sinchita caparichicyari! Jahua lado llactamantaca yana cushnimi llucshin. Tucui Filistea llactapi causaccunami yacuyac shina tucurigringuichic. Chai amsamantaca shucllapish mana puchungachu.

SALMOS 48:6

Chaipica yallitami paicunaca manchaihuan carcacuna. Huarmita sajuarina nanai japishca shinami tucurcacuna.

JOSUÉ 9:24

Shina nicpimi, paicunaca Josuetaca: —Canta servic ñucanchicca canta Mandac Dios paita servic Moisesman huillashpa, tucui llactacunapi causaccunata tucuchishpa, chai llactacunata cancunaman cusha nishcatami allita yacharcanchic. Chaimantami cancuna ñucanchicta huañuchinata yallita manchashpa chashna ruhuarcanchic.

NÚMEROS 14:14

Canaán llactapi causaccunaman huillangami. Chai llactapi causaccunaca can Mandac Dios pushacushcata, paicuna canta ñahui ñahui ricucushcatapish, punzhaca puyupi, tutaca ninahuan achicyachishpa pushacushcatami yachancuna.

ISAÍAS 14:29

«Tucui Filistea llactapi causaccuna llaquichic varata paquishcamantaca ama cushicuichicchu. Culebrapac huahua huahuacunamantaca shuc millai culebrami llucshinga. Chai culebramantaca volac culebrami llucshinga.

NÚMEROS 22:5

Chaimantami Balacca Beorpac churi Balaamta cayachun cacharca. Balaamca Eufrates yacu ladopi cac, paipac llactapura causana Petor llactapimi causacurca. Balac cayagriccunata cachacushpaca: «Cai tucui gentecunami Egiptomanta shamushpa, tucui llactacunapi jundashca. Ñami ñuca causana chimba ladopi tiyacuncuna.

JOSUÉ 10:2

Chaimantami yallita manchacurca. Gabaón puebloca Hai pueblota atishpami jatun carca. Chai pueblopi causaccunapish yalli sinchimi carca.

1 SAMUEL 4:7

filisteocuna yachashpaca mancharircacunami. Chashna manchashpami: «¡Diosmari carpa huasicunaman chayamushca!» nishpami: «¡Cunancamanca jaicapi cashna llaquica mana tiyashcachu! ¡Aij, ñucanchiclla imachari tucushun!

1 CRÓNICAS 14:17

David chashna ruhuashcaca tucui llactacunapimi yacharirca. Mandac Diosmi tucui llactacunapi Davidta manchachun chashna ruhuarca.

ISAÍAS 23:5

Egiptopi causaccuna Tiro llacta ima tucushcata uyashpaca llaquingami.

EZEQUIEL 32:9

Can llaqui tucushpa tucurishcata yachashpaca can mana ricsishca llaccunapish shungupi yallita llaquiringami.

HABACUC 3:7

Cusán llacta carpa huasicunaca llaquilla cactami ricuni. Madián llacta carpa huasicunapish chucchunmi.

JOSUÉ 2:11

Chaita uyashpaca, ñucanchic shunguca yallita shaicushca shinami tucurca. Cancunata manchashpami, tucui gentecuna ima cushicuitapish, mana charincuna. Cancunata Mandac Diosca jahua pachapipish, cai pachapipish Diosmi.

JOSUÉ 9:9

Shina tapucpi paicunaca: —Canta servic ñucanchicca caru llactamantami shamunchic. Chaica, canta Mandac Dios mai allicunata ruhuashcata shinallatac Egiptopi imata ruhuashcata yachashpami shamunchic.

1 SAMUEL 4:8

¡Aij ñucanchiclla! ¿Chai Diospac sinchi maquimantaca pitac cacharichingayari? Chai Diosmi Egiptopi causaccunataca shitashca pambapi tauca plagacunahuan llaquichirca.

SALMOS 48:7

Canca inti llucshina ladomanta huairata cachashpami, Tarsis llacta barcocunata paquircangui.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.