ÉXODO 13:6 - Dios Rimashcata Quillcashcami

⁶ Canchis punzhata levadura illac tandata micunguichic. Chai canchisniqui punzhaca Mandac Diospac fiestami canga.

ÉXODO 13:6 Referans Kwoze

LEVÍTICO 23:8

Canchis punzhacamanmi Mandac Dios ñucaman cushpa rupachina canguichic. Canchis punzhapica ñucapaclla chicanyachishca tandanacuimi canga. Chai punzhapica ima trabajota ama ruhuanguichicchu” ninmi ningui» nirca.

ÉXODO 34:18

Levadura illac tandata micuna fiestata huacaichingui. Chaita ruhuashpaca, ñuca mandashca shinallatac levadura illac tandata canchis punzhacaman micungui. Abib quillapimi Egiptomantaca llucshircangui.

DEUTERONOMIO 16:8

Sucta punzhata levadura illac tandata micunguichic. Canchisniqui punzhaca Mandac Diospaclla chicanyachishca punzhami canga. Chai punzhapica ama trabajanguichicchu.

2 CRÓNICAS 30:21

Shinami Jerusalenpi tandanacushca israelcunaca levadura illac tandata micuna punzhapica yallita cushicushpa, canchis punzhacaman jatun fiestata ruhuarca. Levitacunapish, curacunapish Mandac Diosman ruhuashca tocanacunapi tocashpami punzhanta Mandac Diosta alli nicurcacuna.

JOSUÉ 5:11

Chai Pascua cayandi punzhaca chai allpapi pucushca granocunatami: levadura illac tandata, punta pucushca trigo umata cusashpa micurca.