ÉXODO 12:9 - Dios Rimashcata Quillcashcami

⁹ Chai aichataca chahuatapish, yacuhuan yanushcatapish mana micunachu, ashtahuanpish umacunandi, chaquicunandi, chunzhullindi ninapi cusashpami micuna canguichic.

ÉXODO 12:9 Referans Kwoze

ÉXODO 12:8

Chai tutallatac chai aichataca ninapi cusashpa, levadura illac tandahuan, jayac quihuahuan micunguichic.

DEUTERONOMIO 16:7

Mandac Dios acllashca pushtupi cusashpa micushpami, cayandi tutamantaca huasiman cutina canguichic.

LAMENTACIONES 1:13

Mandac Diosca jahua pachamanta ninata cachashpami, ñuca tullucunacaman rupachirca. Ñuca purina ñanpi tucllata churashpami huashaman cutichirca. Tucuita tucuchishpa saquishpami, punzhanta llaquihuan saquirca.

ÉXODO 29:13

Yana shunguta, chunzhullita tapashca huiratapish, ishcai riñón huiratapish llucchishpa, altar jahuapi rupachingui.

ÉXODO 29:17

Chai cari oveja aichata pitinacushpa, chunzhullita jahuashpa, chaqui maquihuan, umahuan chai pitinacushca jahuapi churangui.

LEVÍTICO 1:9

Chai chunzhullitapish, changa aichatapish yacuhuan jahuashpami, Diosman cushpa tucui rupachina can. Chashna rupachicpimi, Mandac Diosmanca mishquilla ashnanga.

2 CRÓNICAS 35:13

Chai quipaca mandashcapi nicushca shinallatacmi Pascua punzhapi huañuchishca animalcunapac aichata cusarcacuna. Shinallatac Diospaclla tucungapac cushcacunatapish mangacunapi, jatun pailacunapi, sartencunapi yanushpami tucui gentecunaman cararcacuna.