ÉXODO 12:6 - Dios Rimashcata Quillcashcami

⁶ Chai animaltaca quilla chunga chuscu punzhacamanmi charicuna canguichic. Chai punzha chishipimi, tandanacushca israelcunaca chai animalta huañuchinga.

ÉXODO 12:6 Referans Kwoze

LEVÍTICO 23:5

Callari quilla, chunga chuscu punzha chishica Mandac Dios ñucapac Pascua punzhami canga.

NÚMEROS 28:16

Huata callari punta quilla chunga chuscu punzhaca Mandac Dios ñucapac Pascua punzhami canga.

NÚMEROS 9:11

Chaica quipa quilla, chunga chuscu punzha chishimi Pascua micuita ruhuashpa, jayac quihuahuan, levadura illac tandahuan micuna can.

ÉXODO 12:18

Callari quilla, chunga chuscu punzha chishimanta ishcai chunga shuc punzha chishicamanmi levadura illac tandata micuna canguichic.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

EZEQUIEL 45:21

Huata callari quilla, chunga chuscu punzhapica Pascua fiestatami ruhuashpa, canchis punzhata levadura illac tandata micunguichic.

ÉXODO 16:12

—Ñucaca israelcuna rimarishcata uyarcanimi. Chaimanta paicunataca: “Cunan chishica aichata, tutamantaca tandatami huicsa pactata micunguichic. Chashnami ñucataca cancunata Mandac Dios cashcata yachanguichic” ninmi ningui— nirca.

SAN LUCAS 23:18

Tucui chaipi caccunaca shuc shinalla caparishpaca: —¡Chai Jesustaca huañuchilla! ¡Barrabasta cachari!— nishpa caparirca.

SAN LUCAS 23:1

Chaimantaca tucui chaipi caccuna jatarishpami, Jesustaca mandac Pilatopacman aparcacuna.

MARCOS 15:25

Iscun horastami Jesusta chacatarca.

MARCOS 15:11

Ashtahuanpish chai mandac curacunaca Jesusta cacharinapac randica, Barrabasta cacharichun mañachunmi chaipi caccunamanca yuyaita curca.

MARCOS 15:8

Gentecunaca utcaman ruhuashca shinallatac shuc prezuta cacharichunmi Pilatoman mañangapac chayarca.

MARCOS 15:1

Tutamanta ña pacarimucucpimi, Israel curacunata mandac curacunaca pushac yuyaccunahuanpish, mandashcacunata yachachiccunahuanpish, caishuc mandaccunahuanpish parlangapac tandanacurca. Chai quipami, mandac Pilatopac ñaupaman Jesustaca huatashpa aparcacuna.

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

SAN MATEO 27:20

Utcamanmi curacunata mandac curacunapish, pushac yuyaccunapish gentecunataca: “Barrabasta cacharichun, Jesustaca chacatachun ninguichic” nishca carca.

NÚMEROS 28:18

Chai callari punzhaca ñucapaclla tandanacuita ruhuashpami, ima trabajotapish mana ruhuana canguichic.

HECHOS 3:14

Jucha illac, cashcata ruhuac Runata cacharichun ninapac randica, huañuchic runatami cacharichun nircanguichic.

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

ÉXODO 12:14

Chai punzhaca cancunapac yuyarinami canga. Chaimantami tucui cancunapac huahua huahuacunapish yuyarishpa, Mandac Diosman fiestata ruhuanga. Cai mandashcaca huiñaipacmi canga.

ÉXODO 12:17

Levadura illac tandata micuna fiestataca ruhuanami canguichic. Chai punzhami cancunataca Egiptomanta llucchircani. Chaimantami chai punzha chayamucpica, cancunapac huahua huahuacunapish huiñaita chai fiestata ruhuana can.

ÉXODO 12:47

Tucui tandanacushca israelcunami caitaca ruhuanga.

ÉXODO 16:1

Israelcunaca tucui tandanacushpami, Elimmanta llucshishpaca, Sin shitashca pambaman chayarca. Chaica Elimhuan, Sinaihuan tupanacuipimi carca. Chaimanca Egiptomanta llucshishcamanta quilla chunga pichca punzhapimi chayarca.

ÉXODO 19:1

Israelcunaca Egiptomanta llucshishpaca, quimsa quillapimi shitashca pamba Sinaiman chayarca.

2 CRÓNICAS 35:1

Josiasca Mandac Diospac Pascua micuitami Jerusalenpi ruhuarca. Callari quilla chunga chuscu punzhapimi Diosman animalta cushpa huañuchishpa Pascuata ruhuarca.

ESDRAS 6:19

Huata callari quilla chunga chuscu punzhapimi prezu apashcamanta cutimushcacunaca cushicushpa, Pascua fiestata ruhuarcacuna.

ÉXODO 29:39

Shuctaca tutamanta, shuctaca chishita cungui.

ÉXODO 29:41

Shuctac ovejataca chishitami cungui. Chai ovejataca tutamanta cushca shinallatac aceitehuan, vinohuan chapushpa rupachingui. Shina ruhuashcami ñucamanca mishquilla ashnanga.

JOSUÉ 5:10

Israelcunaca Gilgalpi carpacunata shayachishpa tiyacushpami punta quilla, chunga chuscu punzha chishi Jericó pueblo pambapi Pascua fiestata ruhuashpa, cushicushpa micurca.