ÉXODO 12:36 - Dios Rimashcata Quillcashcami

³⁶ Mandac Dios pai acllashca israelcunata cuyachun, Egipto runacunata cuyac shunguta ruhuashcamantami israelcuna imata mañashcata curcacuna. Chashnami Egiptomanta quichushpa aparcacuna.

ÉXODO 12:36 Referans Kwoze

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

GÉNESIS 15:14

Chai llactapi causaccuna llaquichishcamantaca paicunatapish ñucaca llaquichishami. Chai quipaca, tucui charishcacunandimi chai llactamanta llucshinga.

DANIEL 1:9

Dios yuyaita cucpimi, chai mandacca Danielta sumacta chasquirca.

SALMOS 105:37

Pai acllashcacunataca cullquindi, curindimi llucchirca. Paicunapac aillupica ungushcaca shucllapish mana tiyarcachu.

ÉXODO 11:3

Mandac Diosca israelcuna mañashcata cuchunmi, Egipto runacunamanca cuyac shunguta curca. Moisespish tucui Egipto llactapi alli nishcami carca. Faraonta serviccunapacpish, tucui gentecunapacpish alli nishcami carca.

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

HECHOS 2:47

Shinallatac Diosta “allimari cangui” niccunami carca. Tucuipac alli nishcacunapishmi carca. Maijanpish quishpirisha niccunataca, punzhantami Diosca quishpichishpa, criccunata mirachirca.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

ÉXODO 11:2

Chaimanta israelcunataca vecinocunaman, vecinacunaman curimanta, cullquimanta ruhuashca alajacunata mañachun mandai— nirca.

ESDRAS 1:6

Cuchullapi causaccunapish cullquimanta, curimanta ruhuashca imallacunatapish, imalla charishcacunatapish, animalcunatapish, sumac charishcacunatapish, shinallatac quiquin munaihuan cuna ofrendacunatapish cushpami ayudarca.