ÉXODO 12:29 - Dios Rimashcata Quillcashcami

²⁹ Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

ÉXODO 12:29 Referans Kwoze

SALMOS 78:51

Egipto llactapi punta huacharishcacunataca tucuimi huañuchirca. Chashnami Campac churicunapac carpa huasillapitac huañuchirca.

ÉXODO 4:23

Ñuca huahuacuna ñucata servingapac richun saqui. Mana richun saquicpica, punta cari huahuacunatami huañuchigrini’ ninmi” ningui— nirca.

SALMOS 135:8

Paimi Egiptopi tucui punta huacharishca huahuacunatapish, animalcunatapish huañuchirca.

SALMOS 105:36

Chai llactapi tucui punta huacharishcacunatami huañuchirca. Chaica chai sinchirac cashpa charishca punta churicunatami huañuchirca.

SALMOS 136:10

Egiptopi causaccunapac punta churicunata huañuchic Diosta alabaichicyari. ¡Paica huiñaita llaquicmi!

NÚMEROS 8:17

Tucui israelcunapac punta churicunapish, animalcunapish tucuimi ñucapaclla can. Paicunataca ñuca Egipto llactapi punta churicunatapish, punta animalcunatapish huañuchicushpami, paicunataca ñucapaclla cachun chicanyachircani.

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

HEBREOS 11:28

Crishcamantami Moisesca Pascuata ruhuashpa, israelcunapac punta huahuacunata ángel ama huañuchichun, tucui pungucunapi yahuarhuan cahuirca.

NÚMEROS 33:4

Chai punzhapica Egipto runacunaca paicunapac punta churicunata Mandac Dios huañuchishcatami enterracurca. Paicunapac dioscunatapish Mandac Diosca llaquichircami.

ÉXODO 13:15

Faraón israelcunata mana cacharisha nishpa, shungu sinchiyacpimi, Mandac Diosca tucui punta huacharishca gentecunatapish, animalcunatapish huañuchirca. Chaimantami tucui punta huacharishca cari animalcunataca Mandac Diosman cunchic. Cutin punta cari huahuamantaca, punta huacharishca animaltami cunchic” ninguichic.

HEBREOS 12:23

jahua pacha libropi quillcashca, Diospac punta huahuacuna tandanacushcaman chayarcanguichic. Shinallatac tucuita taripashpa ricuchic Diospacman, cashcata ruhuaccunata Dios allita ruhuashca almacunapacmanmi chayarcanguichic.

ZACARÍAS 9:11

Yahuarta jichashpa, cancunahuan ari nishcamantami cantaca yacu jundachina jutcupi prezu cacpi, chaimanta llucchisha.

JEREMÍAS 38:13

Shinami Jeremiastaca chai yacuta jundachina jutcumanta huascahuan llucchirca. Chai quipaca Jeremiastaca cárcel pungupimi saquirca.

JEREMÍAS 38:6

Shina nicpimi, Jeremiasta japishpa, Hamelecpac churi Malquiaspac yacuta jundachina jutcupi huascacunahuan urai cacharca. Chaica cárcel pungupimi carca. Ashtahuanpish chai jutcupica yacuca mana tiyarcachu. Turullami tiyarca. Jeremiasca chai turupimi pambarirca.

ISAÍAS 51:14

Utcami prezu caccunaca llucchishca canga. Mana huañungacaman prezu causangacunachu. Paicunamanca micunapish mana illangachu.

ISAÍAS 24:22

Paicunaca jutcupi prezucunata montonashca shinami canga. Carcelpi unaita prezushca quipami paicunataca yallita llaquichinga.

JOB 34:20

Chaupi tutami runacunaca cungailla huañuncuna. Yallita alli nishca runacunapish, tucuita ruhuac Dios maquihuan manapish huactacpimi chingaringacuna.

NÚMEROS 3:13

Egiptopi causaccunapac punta churicunata huañuchicushpami israelcunapac punta churicunataca ñucapac cachun acllashpa, mana huañuchircani. Chaimantami israelcunapac punta churicunatapish, punta animalcunatapish ñucapaclla cachun acllarcani. Ñucaca Mandac Diosmi cani» nirca.

ÉXODO 9:6

Cayandi punzhaca Mandac Diosca pai nishca shinami ruhuarca. Egipto tiyac animalcunaca tucuimi huañurca. Ashtahuanpish israelcunapac animalcunaca shucllapish mana huañurcachu.

ÉXODO 12:28

Chai quipaca israelcunaca Mandac Dios Moisestapish, Aarontapish mandashca shinallatacmi tucui ruhuarca.

SALMOS 78:50

Pai yallita piñarishpaca mana llaquishpami paicunataca huañuchirca. Ashtahuanpish paicunapac causaitaca ungüita cachashpami tucuchirca.

HABACUC 3:5

Paipac ñaupataca huañuchic ungüimi rin. Paipac chaquimantaca rupacuc ninami llucshin.

GÉNESIS 15:14

Chai llactapi causaccuna llaquichishcamantaca paicunatapish ñucaca llaquichishami. Chai quipaca, tucui charishcacunandimi chai llactamanta llucshinga.

ÉXODO 11:1

Mandac Diosca Moisestaca: —Faraontapish, Egiptopi causaccunatapish yallita llaquichinaracmi cani. Chashna llaquichicpimi cacharinga. Ashtahuanpish paillatacmi llucchishpa cachanga.

ISAÍAS 41:11

Riquichic, tucui cancunata piñaccunami pingaihuan musparinga. Cancunata piñashpa rimariccunaca mana tiyashca shinami tucuringa.