ÉXODO 12:26 - Dios Rimashcata Quillcashcami

²⁶ Cancunapac huahuacunaca: “¿Imapactac caitaca ruhuanguichic?” nishpa tapucpica:

ÉXODO 12:26 Referans Kwoze

DEUTERONOMIO 32:7

Ñaupa punzhacunata yuyarichicyari. Huahua huahuacunapac huatata yuyarichicyari. Taitacunamanpish, ñaupa huiñai yuyaccunamanpish tapuichicyari. Paicunami cancunaman huillanga.

SALMOS 145:4

Imata can ruhuashcacunataca huahua huahuami yuyarishpa cushicungacuna. Tucuita ruhuac cashcahuan can Dios ruhuashcacunataca catipimi huillangacuna.

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

ISAÍAS 38:19

¡Maijanpish causacushparacmi cunan ñuca canta pagui nic shina, pagui ninga! Shuc taitaca causacushparacmi can pactachinataca paipac huahuacunaman huillanga.

DEUTERONOMIO 11:19

Caicunataca huasipipish, ñanta purishpapish, samarishpapish, jatarishpapish cancunapac churicunaman yachachinguichic.

DEUTERONOMIO 6:7

Caicunataca huasipi cashpapish, ñanta ricushpapish, sueñungapac siririshpapish, jataringapacpish huahuacunaman yachachingui.

ÉXODO 13:22

Israelcunamantaca punzhaca suni puyu, cutin tutaca suni ninaca jaicapi mana anchurircachu.

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

ÉXODO 12:25

Mandac Dios cancunaman cusha nishca llactaman yaicushpaca, cai mandashcata pactachinguichic.

SALMOS 44:1

Ñuca Dioslla, ñaupa huatacunapi, ñucanchic taitacuna causai punzhacunapi cai tucui allicunata ruhuashcataca ñucanchic ringrihuantacmi uyashcanchic. Chaitaca ñucanchic taitacunami parlarca.

DEUTERONOMIO 6:20

Caya mincha cancunapac huahuacuna: “Mandac Dios mandashca pactachinacunapish, pactachinacunapish, yachachishcacunapish, ¿imatatac nisha nin?” nishpa tapucpica,