ÉXODO 12:17 - Dios Rimashcata Quillcashcami

¹⁷ Levadura illac tandata micuna fiestataca ruhuanami canguichic. Chai punzhami cancunataca Egiptomanta llucchircani. Chaimantami chai punzha chayamucpica, cancunapac huahua huahuacunapish huiñaita chai fiestata ruhuana can.

ÉXODO 12:17 Referans Kwoze

ÉXODO 13:8

Chai punzhapi huahuacunaman parlashpaca: “Caitaca Mandac Dios Egiptomanta llucchimushcata yuyarishpami ruhuanchic.

ÉXODO 13:3

Shina nicpimi, Moisesca israelcunataca: —Egiptopi huatashca shina causacushcamanta Mandac Dios llucchishca punzhata yuyaringuichic. Chai llactamantaca paipac poderhuanmi llucchirca. Chaimanta chaita yuyarishpa, levadura illac tandata micunguichic.

ÉXODO 12:41

Chuscu patsac quimsa chunga huata tucucpica, chai punzhallatacmi Mandac Diosca israelcunata tandachishpa, Egiptomanta llucchirca.

ÉXODO 7:5

Egiptopi causaccunapac chaupimanta israelcuna ñuca maquihuan llucchicpimi, Egipto runacunaca ñucataca Mandac Dios cashcata yachangacuna— nirca.

NÚMEROS 20:16

Chaimantami ñucanchic Mandac Diostaca caparishpa mañarcanchic. Chashna mañacpica, Mandac Dios uyashpami paipac angelta Egiptomanta llucchichun cacharca. Cunanca cambac llacta lindero cuchulla Cadespimi canchic.

ÉXODO 6:26

Mandac Dios Aarontapish, Moisestapish rimashpaca: «Cancunami israelcunataca Egiptomanta sumacta tandachishpa llucchimugringuichic» nirca.

ÉXODO 12:6

Chai animaltaca quilla chunga chuscu punzhacamanmi charicuna canguichic. Chai punzha chishipimi, tandanacushca israelcunaca chai animalta huañuchinga.

ÉXODO 12:14

Chai punzhaca cancunapac yuyarinami canga. Chaimantami tucui cancunapac huahua huahuacunapish yuyarishpa, Mandac Diosman fiestata ruhuanga. Cai mandashcaca huiñaipacmi canga.

ÉXODO 12:24

Cai mandashcataca cancunapish, cancunapac huahua huahuacunapish tucui causaipimi cazuna canguichic.

ÉXODO 13:10

Chaimantami cai fiestataca huatanta ruhuanchic” ninguichic.

ÉXODO 34:18

Levadura illac tandata micuna fiestata huacaichingui. Chaita ruhuashpaca, ñuca mandashca shinallatac levadura illac tandata canchis punzhacaman micungui. Abib quillapimi Egiptomantaca llucshircangui.

DEUTERONOMIO 16:3

Chai aichataca levadura illac tandahuan micunguichic. Egipto llactamanta ima shina llucshishca punzhataca tucui cancunapac causaipi yuyaringuichic. Canchis punzhacunata levadura illac tandata micunguichic. Chai tandaca llaquita yuyarina tandami. Egiptomantaca huacta huactami llucshircanguichic.