ÉXODO 12:13 - Dios Rimashcata Quillcashcami

¹³ Cancuna causacuc huasicunaca yahuarhuan cahuishpa señalashcami canga. Chaita ricushpaca, cancunapac huasita pasashallami. Egipto llactapi causaccunata huañuchishpapish cancunataca mana llaquichishachu.

ÉXODO 12:13 Referans Kwoze

HEBREOS 11:28

Crishcamantami Moisesca Pascuata ruhuashpa, israelcunapac punta huahuacunata ángel ama huañuchichun, tucui pungucunapi yahuarhuan cahuirca.

ÉXODO 12:23

Mandac Diosca Egipto runacunata huañuchishpa pasacushpaca, cancunapac huasi pungu ishcai caspicunapi, pungu umbralpi yahuar cahuishcata ricushpaca pasangallami. Shinallatac cancunapac huasicunapi huañuchic yaicushpa, llaquichichunpish mana saquingachu.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

GÉNESIS 17:11

Caricuna charishcamanta asha aicha carata pitishpami, circuncisiontaca ruhuana canguichic. Caimi ñucahuan cancunahuan ari nishcata ricuchinga.

1 TESALONICENSES 1:10

Shinallatac huañushcacunapuramanta Dios causachishca quishpichic Jesucristo jahua pachamanta shamunata shuyacushcatapish, Dios piñarishpa llaquichimanta pai quishpichic cashcatapish parlancunami.

JOSUÉ 2:12

Cunanca, ñuca taitapac familiata mana llaquichingapac Mandac Diospac shutipi ari ni. Ñuca cancunata llaquishpa cuidashca shinallatac ñucanchictapish, llaquishpa cuidanguichic. Chaita pactachingapacca, shuc señalta ricuchichicyari.

ÉXODO 12:11

Cancunaca chai aichataca alli chumbillishpa, chaquipipish ushutata churarishpa, shinallatac tauna caspita maquipi apashpami, utcashpa micuna canguichic. Chai tutaca Mandac Dios ñucapac Pascuami canga.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

ÉXODO 12:7

Chai animalpac asha yahuarta japishpa, mai huasicunallapi chai aichata micugrin, chai huasi pungu ishcai caspicunapi, pungu umbralpi cahuichic.

JOSUÉ 2:18

cai llactaman ñucanchic yaicumucpi, ñucanchicta uricuchishca ventanallapitac cai puca huascata huarcuchingui. Shinallatac cambac taitatapish, mamatapish, turicunatapish, cambac taitapac tucui familiacunatapish, cambac huasipi tandachingui.