ÉXODO 11:7 - Dios Rimashcata Quillcashcami

⁷ Chashna cacpipish, israelcunapurapica allcullapish animalcunata, gentecunata sintishpa, mana ladrangachu. Chaica, Mandac Dios ñucaca Egipto runacunamanta israelcunata chicanyachic cashcata yachachunmi cashnaca tucunga” ninmi.

ÉXODO 11:7 Referans Kwoze

JOSUÉ 10:21

Chai quipaca tucui israelcunami ima mana tucushpa, Macedapi tiyac Josuepac carpa huasiman cutirca. Pipish israelcunata juchanchishpaca mana rimarcachu.

MALAQUÍAS 3:18

Chashna ruhuacpimi, cashcata ruhuac-huan, juchayuc-huan chican cashcata, shinallatac Mandac Dios ñucata servic-huan, mana servic-huan chican cashcata yachanguichic» ninmi.

ÉXODO 10:23

Quimsa punzhacamanmi caishuc chaishucpish mana ricui pudircacuna. Shinallatac maiman mana cuyuri pudirca. Ashtahuanpish israelcunaca sumac achicpimi puricurca.

ÉXODO 8:22

Chashna cacpipish, chai punzhallatacmi ñuca acllashcacuna causana Gosén llactata chicanyachishpa, chaimanca shuc chuspillapish mana yaicuchun saquisha. Chashna ruhuacpimi, cai llactapica Mandac Dios ñuca causacushcata yachanguichic.

ÉXODO 9:4

Shina cacpipish, israelcunapac animalcunataca Egipto runacunapac animalcunamanta chicanyachishami. Israelcunapac animalcunaca shucllapish mana huañungachu’ ninmi” ningui— nirca.

JOB 5:16

Imata mana charicca Diosllapimi shunguta churan. Ashtahuanpish mana allita ruhuashcaca shimitami huichcan.

1 CORINTIOS 4:7

¿Pitac cantaca shuccunamanta yallita ruhuarca? ¿Imatatac Diosmantaca mana chasquircangui? Chashna tucuita chasquishpaca, ¿ima nishpatac Diosmanta mana chasquishca shina jatun tucungui?

ÉXODO 7:22

Egiptopi causac brujocunapish paicuna yachac cashca shinallatacmi ruhuarca. Mandac Dios nishca shinallatacmi Faraonca mana uyasha nishpa, sinchi shungu catirca.

ÉXODO 9:26

Israelcuna causana Gosenllapica ima rundu, mana urmarca.

SALMOS 7:12

Diosca paita mana cazuccuna mana llaquiricpica, espadatami filoyachin. Arcotapish ñami allichishpa charicun.

ÉXODO 8:19

Chaimantami brujocunaca Faraontaca: —¡Caicunaca Dios ruhuashcami!— nirca. Shina nicpipish, Faraonca Mandac Dios nishca shinallatacmi sinchi shungu tucushpa, mana cazurca.