ÉXODO 11:4 - Dios Rimashcata Quillcashcami

⁴ Moisesca Faraontaca: —Mandac Diosca: “Chaupi tuta shinatami Egipto llacta chaupita pasasha.

ÉXODO 11:4 Referans Kwoze

ÉXODO 12:29

Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

AMÓS 4:10

Egipto llactata llaquichishca shina llaquichicpipish, cancunapac churicunata jatun macanacuita cachashpa huañuchicpipish, cancunapac caballocunata cancunata piñaccuna prezushpa aparicpipish, achca soldadocuna huañushpa ismushca ashnacucpipish cancunaca mana ñucapacman cutirircanguichicchu.

SALMOS 60:10

Dioslla, canmi ñucanchicta shitarcangui. Ñucanchic soldadocunahuanpish ña mana llucshinguichu.

JOB 34:20

Chaupi tutami runacunaca cungailla huañuncuna. Yallita alli nishca runacunapish, tucuita ruhuac Dios maquihuan manapish huactacpimi chingaringacuna.

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

SAN MATEO 25:6

Chashna sueñucucpimi, chaupi tutataca: “¡Ñami novio shamun, tupangapac llucshichic!” nishca uyarirca.

MIQUEAS 2:13

Ñanta pascacmi, paicunapac ñaupataca huichai rishpa, punguta llucshinga. Paicunata jatun mandacca ñaupashpami ringa. Tucuipac ñaupata ricca Mandac Dios ñucami casha» ninmi.

AMÓS 5:17

Ñuca cancunapac chaupita pasacucpica, tucui uvas chagracunapimi huacai tiyanga.

ISAÍAS 42:13

Mandac Diosca sinchita macanacuc jatun soldado shinami, tucuchina yuyaihuan shayaringa. Paita piñaccunahuanca caparishpa, sinchita rimashpami manchachishpa mishanga.

2 SAMUEL 5:24

Bálsamo panga jahuata puric shina uyaricpica, filisteocunahuan macanacungapac llucshingui. Chaipimi Mandac Dios Ñucaca filisteocunata huañuchingapac ñaupashpa risha— nirca.

ÉXODO 12:23

Mandac Diosca Egipto runacunata huañuchishpa pasacushpaca, cancunapac huasi pungu ishcai caspicunapi, pungu umbralpi yahuar cahuishcata ricushpaca pasangallami. Shinallatac cancunapac huasicunapi huañuchic yaicushpa, llaquichichunpish mana saquingachu.

SALMOS 81:5

Cai ima shina causanata yachachinataca Josepac huahuacuna Egiptomanta llucshimucpimi, paicunahuan callarirca. Ñuca mana yachashca rimaipi uyarishpaca: