ÉXODO 11:3 - Dios Rimashcata Quillcashcami

³ Mandac Diosca israelcuna mañashcata cuchunmi, Egipto runacunamanca cuyac shunguta curca. Moisespish tucui Egipto llactapi alli nishcami carca. Faraonta serviccunapacpish, tucui gentecunapacpish alli nishcami carca.

ÉXODO 11:3 Referans Kwoze

ÉXODO 12:36

Mandac Dios pai acllashca israelcunata cuyachun, Egipto runacunata cuyac shunguta ruhuashcamantami israelcuna imata mañashcata curcacuna. Chashnami Egiptomanta quichushpa aparcacuna.

ÉXODO 3:21

Cancuna ama chushac maquilla llucshichunca, Egipto runacunamanca cancunaman carana yuyaitami cusha.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

SALMOS 106:46

Shinallatac paicunata prezushpa chariccunamanpish, llaquina yuyaitami curca.

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

HECHOS 7:22

Shinami Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish alli yachac carca.

ESTER 9:4

Jatun mandac mandana huasipica Mardoqueomi tucuimanta yalli alli mandac carca. Paica tucui llactacunapimi ricsishca carca. Punzhantami ashtahuan ashtahuan alli nishca tucurca.

2 SAMUEL 7:9

Ñucaca can maita ricpipish, canhuanmi carcani. Canta piñaccunatapish tucuitami cambac ñaupamanta chingachircani. Shina ruhuashpami, cai pacha mandaccunapuramanta tucuita yalli jatun cachun ruhuarcani.

DEUTERONOMIO 34:11

Mandac Dios Moisesta mandacpi, tucui ricuchinacunata, mancharinacunata Egipto llactapi Faraonman, paita serviccunaman, chaipi causaccunaman ruhuashpa ricuchishca shinataca pi mana ruhuarcachu.

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

ÉXODO 12:35

Israelcunaca Moisés mandashca shinallatacmi, Egipto runacunaman cullquimanta, curimanta ruhuashca charinacunatapish, churanacunatapish mañarca.

DEUTERONOMIO 34:10

Israel llactapica Moisés shina, Mandac Dios-huan ñahui ñahui parlac Diosmanta huillacca mana pi tiyarcachu.

JOSUÉ 4:14

Chai punzhami Mandac Diosca tucui israelcunapac ñaupapi Josuetaca jatunyachirca. Israelcunaca Moisesta cazushca shinallatac paitapish tucui causaipi cazurcacuna.