ÉXODO 11:2 - Dios Rimashcata Quillcashcami

² Chaimanta israelcunataca vecinocunaman, vecinacunaman curimanta, cullquimanta ruhuashca alajacunata mañachun mandai— nirca.

ÉXODO 11:2 Referans Kwoze

ÉXODO 3:22

Chaimantami tucui huarmicuna vecinocunaman, mana cashpaca paihuan causac huarmiman curimanta, cullquimanta ruhuashca sumac charinacunata, churanacunata mañanguichic. Chaicunatami cancunapac cari huahuacunaman, huarmi huahuacunaman churachinguichic. Chaita ruhuashpami, Egipto runacunataca chushacta saquishpa ringuichic— nirca.

SAN MATEO 20:15

Ñuca cullquihuanca, imata ruhuasha nishpapish ruhuashallami. ¿Chashna allita ruhuacpichu envidiahuan piñaringui?” nirca.

HAGEO 2:8

Curipish, cullquipish ñucapacmi. Chaitaca imatapish ruhuac Mandac Dios ñucami nini.

PROVERBIOS 13:22

Allita ruhuac runaca herenciatami paipac huahuacunapac huahuacunaman saquinga. Ashtahuanpish juchayuc runapac charishcaca cashcata ruhuac runaman cungapacmi huacaichishca.

SALMOS 105:37

Pai acllashcacunataca cullquindi, curindimi llucchirca. Paicunapac aillupica ungushcaca shucllapish mana tiyarcachu.

SALMOS 24:1

Cai pachapish, chaipi ima tiyaccunapish tucui cai pachapi causaccunapish Mandac Diospacmi.

ÉXODO 35:22

Alli shunguyuc caricunapish, huarmicunapish tucui munaihuanmi cadenacunata, sortejascunata, brazaletecunata, zarcillocunata, curimanta ruhuashca tucuilaya sumaccunata apamurca.

ÉXODO 32:24

Shina nicpimi ñucaca: “Maijanpish curita chariccunaca apamuichic” nircani. Chaimantami curita ñucapacman apamucpica, ninapi shitarcani. Chashna shitacpica, becimi llucshirca— nirca.

GÉNESIS 31:9

Chashnami Diosca Labanmanta tucui animalcunata quichushpa, ñucaman curca.

GÉNESIS 24:53

Chai quipaca cullquimanta, curimanta ruhuashca sumaccunata, sumac churanacunata llucchishpami Rebecamanpish, paipac turimanpish, mamamanpish curca.

ÉXODO 3:21

Cancuna ama chushac maquilla llucshichunca, Egipto runacunamanca cancunaman carana yuyaitami cusha.