ÉXODO 10:3 - Dios Rimashcata Quillcashcami

³ Chaimantami Moisespish, Aaronpish Faraonpacman rishpaca: —Mandac Diosca israelcunataca: “¿Maicamantac ñuca ñaupapi mana cumurishpa, jatun tucugringui? Ñuca acllashcacuna ñucata servingapac richun saqui, ama jarcaichu.

ÉXODO 10:3 Referans Kwoze

1 PEDRO 5:6

Pai jatunyachina punzha cancunata jatunyachichunca, ama jatun tucushpa, imatapish ruhuaclla Diospac maquipi causaichic.

SANTIAGO 4:10

Apunchic Jesuspac ñaupapica, ama jatun tucuichicchu. Chashna mana cacpica, paica “jatunmi canguichic” ningami.

1 REYES 21:29

«¿Acab ñucapac ñaupapi mai llaquilla tucushcataca ricunguichu? Pai chashna mai llaquilla tucushcamantami pai causacui punzhapica mana llaquichishpa, ashtahuanpish paipac churi mandacui punzhacunapi paipac familiataca llaquichigrini» nirca.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

JEREMÍAS 13:18

Jatun mandacta, jatun mandacpac mamataca: “Cancuna sumac mandac cashcata ricuchic coronaca cancunapac umamanta urmashcami. Chaimanta cumurishpa, allpapi tiyarichicyari” niyari.

EZEQUIEL 5:6

Ashtahuanpish, muyundi llactacunapi causaccunamanta, muyundipi causaccunamanta yallimi ñuca ruhuachun nishcacunataca mana cazushpa, mana manchashpa causarca» nirca.

JEREMÍAS 13:10

Cai millai gentecunaca ñuca yachachishcata mana uyasha nincunachu. Paicunapac shungu munashcata ruhuashpami, shuctac dioscunata servishpa, paicunapac ñaupapi cungurishpa catin. Chaimantami chai ismushca chumbi shina, imapacpish mana vali tucunga.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

ISAÍAS 1:5

¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.

PROVERBIOS 18:12

Manarac llaqui tucushpaca, jatun tucushcami runaca ricurin. Ima allicunata japingapacca Yangalla canami alli.

PROVERBIOS 1:24

Cancunata tauca cutin cayacpipish, mana uyarcaguichicchu. Maquihuan cayacpipish, mana shamurcanguichicchu.

PROVERBIOS 1:22

“Mana yachaccuna, ¿ima horascamantac chashna mana yachacushpa, causasha ninguichic? Burlaccuna ¿Ima horascamantac chashna burlashpa causasha ninguichic? Mana entendiccuna ¿ima horascamantac alli yachanata piñanguichic?

JOB 42:6

Chaimantami yallita llaquirishpa, ñuto allpapi, uchupapi tiyarini» nirca.

2 CRÓNICAS 34:27

‘Cai llactatapish, cai llactapi causaccunatapish ñuca llaquichigricushcata uyashpaca, cambac shungupi nanarishpa, ñuca ñaupapi llaquirishpa cumurircanguimi. Shina llaquirishpaca, cambac churanatapish lliquishpami, ñuca ñaupapi huacarcangui. Chashna llaquirishcataca ñucapish uyarcanimi.

2 CRÓNICAS 33:19

Mandac Diosta mañacpi, Dios uyashcapish, tucui juchacunata ruhuashcapish, mana cazushcapish, mana allita ruhuashcamanta manarac llaquirishpa maipi altarcunata ruhuashca pushtucunamantapish, Asera huarmi diosta yuyarina yurata shayachishcapish, yanga dioscunata ruhuashcapish, Dios ricuchishcata huillaccuna quillcashcapimi tiyacun.

2 CRÓNICAS 33:12

Ashtahuanpish chai llaquita apacushpami, Manasesca paipac ñaupa taitacunapac Mandac Diospac ñaupapica tucui shunguhuan llaquirishpa mañarca.

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

NÚMEROS 14:27

—¿Maicamantac cai millai israelcuna rimashcata uyacushalla? Ñucata israelcuna rimashcataca ñami uyarcani.

ÉXODO 16:28

Chaimantami Mandac Diosca: —¿Ima horascamantac ñuca mandashcacunata, nishcacunataca mana cazunguichic?

ÉXODO 9:17

¿Chashna cashca jahuachu ñuca acllashcacunataca jarcashpa mana cacharisha ningui?

2 CRÓNICAS 7:14

Shina cachacpi, ñuca acllashcacuna yallita llaquirishpa ñucata mañacpi, ñucata mashcacpi, mana allita ruhuacushcata saquishpa, ñucapacman cutirimucpica, ñucapish jahua pachamanta uyashami. Paicunapac juchatapish perdonashami, paicunapac allpatapish allichishami.

ÉXODO 4:23

Ñuca huahuacuna ñucata servingapac richun saqui. Mana richun saquicpica, punta cari huahuacunatami huañuchigrini’ ninmi” ningui— nirca.

ÉXODO 10:4

Paicunata mana cacharicpica, cayallatami langostacunata tucui cambac llactapi jundachisha.

2 REYES 22:19

Cai llactatapish, cai llactapi causaccunatapish llaquichisha nicushcata Mandac Dios ñucapac ñaupapi uyashpami, yallita cambac shungupi nanarishpa, llaquilla tucushcangui. Shina llaquirishpami, cambac churanatapish lliquirishpa, Mandac Dios ñuca ñaupapi huacarcangui. Can chashna llaquirishcataca Mandac Dios ñucaca uyarcani.

JEREMÍAS 50:29

Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.

DANIEL 5:22

Shina cashpapish, paipac churi can Belsasarca chaicunata yachashpapish mana shungupi llaquirircanguichu.

ÉXODO 5:1

Chaimanta Moisespish, Aaronpish Faraonpacman yaicushpaca: —Mandac Diosca Israeltaca: “Ñuca acllashca israelcuna shitashca pambapi ñucata jatunyachishpa cushicugrichun saqui” ninmi— nirca.