ÉXODO 10:15 - Dios Rimashcata Quillcashcami

¹⁵ Chashna tucui Egipto llactata tapacpimi, allpaca pura saquirirca. Chai langostacunaca rundumanta saquirishca quihuatapish, maijan yuracunapi saquirishca granotapish tucuimi tucuchirca. Egipto llactapica quihuapish, yurapish verdinllaca maipi mana saquirircachu.

ÉXODO 10:15 Referans Kwoze

ÉXODO 10:5

Cai langostacunami tucui allpata tapanga. Allpaca mana ricuringachu. Rundumanta puchushca asha granotapish, maijan saquirishca yuracunatapish tucuimi tucuchinga.

JOEL 2:25

Mandac Diosca: «Ñucami achca soldadocuna shina langostacunata cacharcani. Chaimantami oruga nishca langostacuna, saltón nishca langostacuna, revoltón nishca langostacuna micushpa tucurca. Shina cacpipish, cunanca chai huatacunamanta yallitami cutichisha.

SALMOS 78:46

Paicunapac granocunataca burbojacunamanmi curca. Tucui chagracunatapish langostacunamanmi curca.

ÉXODO 10:12

Chaimantami Mandac Diosca Moisestaca: —Egipto llactata tucui langostacuna llucshishpa tapachun, Egipto allpa jahuata cambac maquita alzai. Shina ruhuacpica, rundumanta puchushca granotapish, tucui yuracunatapish tucuimi tucuchinga— nirca.

AMÓS 7:2

Chai langostacuna tucui llactapi quihuata micushpa tucuchicpimi ñucaca: «¡Mandac Dioslla, cunanca paicuna mana allita ruhuashcata perdonaiyari! Jacobopac huahua huahuacunataca, ¿pitac ayudangayari? Paicunaca uchillami» nircani.

NÚMEROS 22:5

Chaimantami Balacca Beorpac churi Balaamta cayachun cacharca. Balaamca Eufrates yacu ladopi cac, paipac llactapura causana Petor llactapimi causacurca. Balac cayagriccunata cachacushpaca: «Cai tucui gentecunami Egiptomanta shamushpa, tucui llactacunapi jundashca. Ñami ñuca causana chimba ladopi tiyacuncuna.

PROVERBIOS 30:27

Langostacunaca jatun mandacta mana charishpapish, tucui mashnami tandanacushpa llucshincuna.

JOEL 1:4

Langosta puchuchishcataca oruga nishca langostacunami micurca. Chaicuna puchuchishcataca saltón nishca langostacunami micurca. Chaicuna puchuchishcataca revoltón nishca langostacunami micurca.