ÉXODO 1:20 - Dios Rimashcata Quillcashcami

²⁰ Diosca comadronacunahuanmi carca. Israelcunaca ashtahuan achcayashpa, yallita sinchiyashpami catirca.

ÉXODO 1:20 Referans Kwoze

ECLESIASTÉS 8:12

Juchayuc runa patsac cutin millaita ruhuacpipish unaita causacpipish, ñucaca Diosta manchashpa, paipac ñaupapi allita causac runa alli llucshic cashcatami yachani.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

SALMOS 111:5

Paita manchaccunamanca micunatami carashca. Paihuan ari nishcatapish, huiñaitami yuyaricunga.

SAN LUCAS 1:50

Diosca paita manchaccunataca huahua huahuacaman llaquicungallami.

SAN MATEO 25:40

Shina nicpimi ñucaca: “Cai uchilla ñuca huauquicunaman ruhuashpaca, ñucamanmi ruhuarcanguichic. Chaica chashnatacmi” nishami.

SAN MATEO 10:42

Maijanpish ñucata catic, yangalla runaman asha chiri yacuta cucca, Diosmanta japina cashcata japingami. Chaica chashnatacmi canga» nirca.

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

SALMOS 145:19

Paita manchaccuna ima munashcataca pactachingami. Shinallatac caparishpa mañashcata uyashpami quishpichinga.

SALMOS 103:11

Cai pachamantaca jahua pachaca ashtahuanmi jahuaman. Chai shina jatun cuyaitami charin. Paita manchaccunataca yallitami cuyan.

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

SALMOS 61:5

Dioslla, canman imata ruhuasha nishcataca chasquishcanguimi. Canta manchaccunaman cuna cashcataca cushcanguimi.

ÉXODO 1:12

Chashna paicunata ashtahuan llaquichicca, ashtahuanmi mirashpa catirca. Chaimantami Egipto runacunaca israelcunata manchashpa,

ÉXODO 1:7

Ashtahuanpish israelcunaca mirarishpa achcayashpami, tucui llactacunapi jundashpa, sinchi tucurca.

ÉXODO 1:19

Shina nicpimi, comadronacunaca Faraontaca: —Israel huarmicunaca mana Egipto huarmicuna shinachu. Paicunaca sinchi huarmicunami. Chaimantami ñucanchic paicunapacman manarac chayacpi, paicunallatac sajuarincuna— nirca.