ÉXODO 1:17 - Dios Rimashcata Quillcashcami

¹⁷ Shina mandacpipish, comadronacunaca Diosta manchashcamantami Egipto llactata jatun mandac nishcata mana ruhuashpa, cari huahuacunataca mana huañuchishpa saquircalla.

ÉXODO 1:17 Referans Kwoze

HECHOS 5:29

Shina nicpi, Pedropish, caishuc apostolcunapish rimashpaca: —Runacunata cazunapac randica, Diostami cazuna canchic.

ÉXODO 1:21

Chai comadronacunaca Diosta manchacmi carca. Chaimantami paicunamanpish Diosca aillucunata curca.

SAN LUCAS 12:5

Cancuna pita manchana cashcatami yachachigrini: Huañushca quipa, ucu pachaman cachac Diosta manchaichic. Ari, paillatami manchana canguichic.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

DANIEL 6:13

Shina nicpimi, paicunaca jatun mandactaca: —Jatun mandaclla, Judá llactamanta prezu apamushcapuramanta Danielca cantapish, can mandashpa shutita churashcatapish mana cazushcachu. Chai mandashcata cazunapac randica, punzhapi quimsa cutinmi Diosta mañan— nirca.

PROVERBIOS 16:6

Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

ECLESIASTÉS 8:12

Juchayuc runa patsac cutin millaita ruhuacpipish unaita causacpipish, ñucaca Diosta manchashpa, paipac ñaupapi allita causac runa alli llucshic cashcatami yachani.

SALMOS 31:19

¡Canta manchaccunapacca mai allimi cangui! Paicunataca yallitami cuyangui. Huañunalla gentecunapac ñaupapimi chai cuyaitaca canta shuyaccunaman ricuchishcangui.

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

OSEAS 5:11

Efraín ailluca shungupi nanarishpa yallita llaquirishcami. Paicunaca yanga dioscunallatami catina yuyarca.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

GÉNESIS 20:11

Shina nicpimi Abrahamca: —Caipica Diosta manchaccunaca mana tiyanchu. Shina cashpaca, ñuca huarmita quichungapac ñucata huañuchingami yuyarcanimi.

ÉXODO 1:18

Chaimantami Egipto llactata jatun mandacca comadronacunata cayachishpaca: —¿Imamantatac cari huahuacunataca mana huañuchishpa saquircanguichic?— nishpa rimarca.

1 SAMUEL 22:17

Shina nishpami, jatun mandacca paipac muyundi cuidashpa shayacuc soldadocunataca: —¡Mandac Diospac curacunata huañuchichic! Paicunaca Davidta ayudashpami, pai miticushpa ricta yachashpapish mana huillashcacuna— nirca. Shina nicpipish, jatun mandacta serviccunaca Mandac Diospac curacunata mana huañuchisha nircacunachu.

2 SAMUEL 24:4

Shina nicpipish, jatun mandacca Joabtapish, macanacuc runacunata pushaccunatapish pai nishcata cazuchircami. Chaimantami Joabca soldadocunata pushaccunahuan jatun mandacpac ñaupamanta israelcunata yupangapac rirca.

ESTER 3:3

Chaimantami jatun mandacta servishpa, pungupi cuidaccunaca Mardoqueotaca: «¿Ima nishpatac jatun mandac mandashcata mana cazungui?» nishpa tapurca.