ÉXODO 1:10 - Dios Rimashcata Quillcashcami

¹⁰ Paicuna ama yalli mirarichunca, allita yuyarishpa imata ruhuanami canchic. Paicunaca ñucanchic macanacucucpi, ñucanchicta piñaccunahuan tucushpa, ñucanchicta atishpa, ringacunallami» nirca.

ÉXODO 1:10 Referans Kwoze

HECHOS 7:19

Chai mandacmi ñucanchic taitacunata umashpa llaquichirca. Ama ashtahuan mirashpa catichunmi, cari huahuacuna huacharicpica, maipi shitachun mandarca.

PROVERBIOS 1:11

Canta: “Ñucanchic-huan jacu, tucllata churashpa mana faltayuc runata, pacalla chapashpa huañuchingapac

SALMOS 105:25

Shina cashpapish Diosca pai acllashcacunata piñachun, paita serviccunataca llullashpa llaquichichunmi chai gentecunapac shungupi piñana yuyaita churarca.

SALMOS 10:2

Millaita ruhuaccunaca jatun tucushpami huacchataca catinta llaquichin. ¡Shina cashpapish huacchacuna urmachun, paicuna churashcallapitacmi urmanga!

HECHOS 23:12

Cayandi tutamanta maijan israelcunaca Pablota huañuchingacaman manatac micungapac, manatac ubiangapacmi ari ninacurca. Mana chaita pactachicpica, Dios llaquichichunmi ari ninacurca.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

PROVERBIOS 16:25

Runamanca alli ñan shinami ricurin. Shina cashpapish huañuiman pushac ñanmi.

JOB 5:13

Jatun yachaccunataca paicunapac yachashcallapitacmi urmachin. Millaita ruhuaccunataca paicuna yuyarishcatami pandachin.

NÚMEROS 22:6

Cai gentecunaca ñucata yalli sinchicunami. Chaimanta paicunata maldiciangapac shamuiyari. Can maldiciacpica, paicunata atishpa, cai llactamanta llucchishpa cachashapishchari. Chaica, can maldiciacpica, chashnami tucun. Cutin can maijanta bendiciacpica, chashnami tucun. Chaitaca allimi yachani» nirca.

1 SAMUEL 29:4

Shina nicpimi, filisteocunata mandaccuna yallita piñarishpa Aquistaca: —Cai runa ñucanchic-huan macanacuiman richunca mana munanchicchu. Maipi cashcallamantac cutichishpa cachai. Pacta macanacuipi ñucanchicta piñaccunahuan tucunman. Cai filisteo runacunapac umacunata apashpa, paita mandacpac ñaupapi alli ricurigrinman.